ਦੇਸ਼ ਭਰ 'ਚ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਭਾਈ ਦੂਜ ਦਾ ਤਿਉਹਾਰ

ਦੇਸ਼ ਭਰ 'ਚ ਅੱਜ ਧੂਮਧਾਮ ਨਾਲ ਭਾਈ ਦੂਜ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਜੋਤਸ਼ੀਆਂ ਦੇ ਅਨੁਸਾਰ ਸ਼ੁਭ ਮਹੂਰਤ ਵਿੱਚ ਭਾਈ ਦੂਜ ਦੇ ਤਿਉਹਾਰ ਨੂੰ ਮਨਾਉਣਾ ਲਾਭਦਾਇਕ ਹੋਵੇਗਾ।

ਨਵੀਂ ਦਿੱਲੀ: ਕਾਰਤਿਕ ਮਹੀਨੇ ਦੇ ਸ਼ੁਕਲ ਪੱਖ ਵਿੱਚ ਭਾਈ ਦੂਜ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ। ਇਸ ਦਿਨ ਭੈਣਾਂ ਆਪਣੇ ਭਰਾ ਨੂੰ ਤਿਲਕ ਲਗਾਉਂਦੀਆਂ ਹਨ ਅਤੇ ਉਸ ਦੀ ਲੰਬੀ ਉਮਰ ਲਈ ਪ੍ਰਾਥਨਾ ਕਰਦੀਆਂ ਹਨ। ਇਸ ਸਾਲ ਅੱਜ ਦੇ ਦਿਨ ਭਾਈ ਦੂਜ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਜੋਤਸ਼ੀਆਂ ਦੇ ਅਨੁਸਾਰ ਸ਼ੁਭ ਮਹੂਰਤ ਵਿੱਚ ਭਾਈ ਦੂਜ ਦੇ ਤਿਉਹਾਰ ਨੂੰ ਮਨਾਉਣਾ ਲਾਭਦਾਇਕ ਹੋਵੇਗਾ। ਜਦੋਂ ਕਿ ਰਾਹੁ ਕਾਲ 'ਚ ਭਰਾਵਾਂ ਨੂੰ ਤਿਲਕ ਕਰਨ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ।

ਜੋਤਸ਼ੀਆਂ ਦੇ ਮੁਤਾਬਕ ਭਾਈ ਦੂਜ ਦੇ ਦਿਨ ਤਿਲਕ ਲਗਾਉਣ ਦਾ ਸ਼ੁਭ ਸਮਾਂ ਸੋਮਵਾਰ, 16 ਨਵੰਬਰ ਨੂੰ 12 ਬਜ ਕੇ 56 ਮਿੰਟ ਤੋਂ 3 ਬਜ ਕੇ 6 ਮਿੰਟ ਤੱਕ ਹੋਵੇਗਾ। ਭਾਵ, ਭਾਈ ਦੂਜ ਦੇ ਤਿਉਹਾਰ ਨੂੰ ਮਨਾਉਣ ਲਈ 2 ਘੰਟੇ 9 ਮਿੰਟ ਦਾ ਇੱਕ ਸ਼ੁੱਭ ਸਮਾਂ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਵੀਰ ਦੀ ਪੂਜਾ ਕਰਨ ਵਾਲੀਆਂ ਭੈਣਾਂ ਦੇ ਨਾਲ ਉਨ੍ਹਾਂ ਨੂੰ ਕਥਾ ਜ਼ਰੂਰ ਪੜ੍ਹਨਾ ਜਾਂ ਸੁਣਨਾ ਚਾਹੀਦਾ ਹੈ। ਇਸ ਤਰ੍ਹਾਂ ਕਰਨ ਨਾਲ ਤੁਸੀਂ ਸ਼ੁੱਭ ਨਤੀਜੇ ਹਾਸਲ ਕਰ ਸਕਦੇ ਹੋ।