ਢਾਕਾ: ਬਾਰਡਰ ਗਾਰਡ ਬੰਗਲਾਦੇਸ਼ (ਬੀਜੀਬੀ) ਨੇ ਦਾਅਵਾ ਕੀਤਾ ਹੈ ਕਿ ਮਿਆਂਮਰ ਦੀ ਸੀਮਾ 'ਤੇ ਸ਼ੱਕੀ ਨਸ਼ਾ ਤਸਕਰਾਂ ਦੇ ਨਾਲ ਮੁੱਠਭੇੜ ਵਿੱਚ ਦੋ ਰੋਹਿੰਗਿਆ ਦੀ ਮੌਤ ਹੋ ਗਈ। ਖਬਰਾਂ ਅਨੁਸਾਰ ਦੋਵੇਂ ਰੋਹਿੰਗਿਆ ਮੁਸਲਿਮ ਮਿਆਂਮਰ ਦੇ ਨਾਲ ਲੱਗੀ ਸਰਹੱਦ 'ਤੇ ਨਸ਼ਾ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸੀ।
ਬੀਡੀਨਿਊਜ਼ 24 ਨੇ ਬਾਰਡਰ ਗਾਰਡ ਬੰਗਲਾਦੇਸ਼ ਦੇ ਕਮਾਂਡਰ ਦੇ ਹਵਾਲੇ ਨਾਲ ਕਿਹਾ ਕਿ ਮੁੱਠਭੇੜ ਵਿੱਚ ਇੱਕ ਸੁਰੱਖਿਆ ਬਲ ਵੀ ਜ਼ਖਮੀ ਹੋ ਗਿਆ ਹੈ। ਯੂਐਨਐਚਸੀਆਰ ਦੁਆਰਾ ਜਾਰੀ ਕੀਤੇ ਗਏ ਦੋ ਪਛਾਣ ਪੱਤਰਾਂ ਵਿੱਚੋਂ ਇੱਕ ਰੋਹਿੰਗਿਆ ਦੇ ਨੇੜੇ ਮਿਲਿਆ ਹੈ।