ਬੁਲੰਦਸ਼ਹਿਰ: ਭਾਰਤ ਸਰਕਾਰ ਵੱਲੋਂ 3.80 ਕਰੋੜ ਦੀ ਸਕਾਲਰਸ਼ਿੱਪ ਲੈ ਕੇ ਅਮਰੀਕਾ ਵਿੱਚ ਪੜ੍ਹਾਈ ਕਰਨ ਗਈ ਕੁੜੀ (ਸੁਦੀਕਸ਼ਾ) ਕੋਰੋਨਾ ਵਾਇਰਸ ਕਾਰਨ ਵਾਪਸ ਦਾਦਰੀ ਇਲਾਕੇ ਵਿੱਚ ਆਪਣੇ ਪਿੰਡ ਪਰਤੀ ਸੀ। ਇਸ ਦੌਰਾਨ ਉਸ ਦੀ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ। ਪਰਿਵਾਰ ਵਾਲਿਆਂ ਦਾ ਇਲਜ਼ਾਮ ਹੈ ਕੁੜੀ ਦੀ ਮੌਤ ਕਥਿਤ ਤੌਰ 'ਤੇ ਛੇੜਛਾੜ ਕਰਨ ਵਾਪਰੀ ਹੈ।
ਸੁਦੀਕਸ਼ਾ ਆਪਣੇ ਚਾਚੇ ਨਾਲ ਮੋਟਰਸਾਇਕਲ 'ਤੇ ਬੁਲੰਦਸ਼ਹਿਰ ਤੋਂ ਸਿਕੰਦਰਾਬਾਦ ਜਾ ਰਹੀ ਸੀ ਜਿੱਥੇ ਉਸ ਨੇ ਆਪਣੇ ਪੁਰਾਣੇ ਸਕੂਲ ਵਿੱਚੋਂ ਕੋਈ ਕਾਗ਼ਜ਼ ਲੈਣੇ ਸਨ। ਇਸ ਦੌਰਾਨ ਉਸ ਦੀ ਬੁਲੇਟ ਮੋਟਰਸਾਈਕਲ ਨਾਲ ਟੱਕਰ ਹੋਣ ਕਾਰਨ ਮੌਤ ਹੋ ਗਈ। ਹਾਲਾਂਕਿ ਪਰਿਵਾਰ ਵਾਲ ਕਹਿ ਰਹੇ ਹਨ ਕਿ ਮੋਟਰਸਾਇਕਲ ਤੇ ਸਵਾਰ 2 ਲੋਕਾਂ ਨੇ ਉਸ ਨਾਲ ਛੇੜਛਾੜ ਕੀਤੀ ਸੀ ਅਤੇ ਉਹ ਸਟੰਟ ਵੀ ਕਰ ਰਹੇ ਸੀ ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ ਹੈ।