ਅੰਬਾਲਾ: ਅੰਬਾਲਾ ਕੈਂਟ ਦੀ ਫੌਜ ਛਾਉਣੀ ਅਤੇ ਏਅਰਬੇਸ ਉੱਤੇ ਪਾਕਿਸਤਾਨ ਦੀ ਖੁਫ਼ੀਆ ਏਜੰਸੀ ਆਈਐੱਸਆਈ ਦੀ ਨਜ਼ਰ ਬਣੀ ਹੋਈ ਹੈ। ਆਜ਼ਾਦੀ ਦਿਵਸ ਕਾਰਨ ਚੈਂਕਿੰਗ ਵੀ ਬਾਰੀਕੀ ਨਾਲ ਕੀਤੀ ਜਾ ਰਹੀ ਸੀ। ਉਸ ਦੌਰਾਨ ਹੀ ਪੁਲਿਸ ਨੇ ਇੱਕ ਇੱਕ ਸ਼ੱਕੀ ਪਾਕਿਸਤਾਨੀ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਹੁਣ ਪੁਲਿਸ ਨੇ ਵਿਅਕਤੀ ਤੋਂ ਤਫ਼ਤੀਸ਼ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
ਅੰਬਾਲਾ ਦੇ ਪੁਲਿਸ ਅਧਿਕਾਰੀ ਅਭੀਸ਼ੇਕ ਜੋਰਵਾਲ ਨੇ ਦੱਸਿਆ ਕਿ ਪੁਲਿਸ ਦੇ ਸੀਆਈਏ- 2 ਸਟਾਫ਼ ਅਤੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਕੋਈ ਸ਼ੱਕੀ ਵਿਅਕਤੀ ਰੇਲਵੇ ਸਟੇਸ਼ਨ ਤੋਂ ਫੌਜ ਦੇ ਖੇਤਰ ਵਿੱਚ ਦਾਖਿਲ ਹੋਣ ਦੀ ਕੋਸ਼ਿਸ਼ ਵਿੱਚ ਹੈ। ਜਿਸਨੇ ਕਾਲੇ ਰੰਗ ਦਾ ਲੋਅਰ ਅਤੇ ਟੀ-ਸ਼ਰਟ ਪਾਈ ਹੋਈ ਹੈ। ਇਸ ਤੋਂ ਬਾਅਦ ਸੀਆਈਏ-2 ਅਲਰਟ ਹੋ ਗਈ ਸੀ। ਤਲਾਸ਼ੀ ਦੌਰਾਨ ਪੁਲਿਸ ਨੂੰ ਉਸ ਵਿਅਕਤੀ ਤੋਂ ਇੱਕ ਮੋਬਾਈਲ, ਕੁੱਝ ਸਿਮ ਅਤੇ ਇੱਕ ਬੈਗ ਬਰਾਮਦ ਹੋਇਆ।
ਅੰਬਾਲਾ CIA ਦੀ ਟੀਮ ਨੇ ਸ਼ੱਕੀ ਪਾਕਿ ਨੌਜਵਾਨ 'ਤੇ ਦਰਜ ਕੀਤਾ ਕੇਸ, ਪੁੱਛਗਿਛ ਜਾਰੀ - ambala to punjab distance
ਅੰਬਾਲਾ ਦੀ ਸੀਆਈਏ-2 ਪੁਲਿਸ ਨੇ 14 ਅਗਸਤ ਨੂੰ ਇੱਕ ਸ਼ੱਕੀ ਪਾਕਿਸਤਾਨੀ ਵਿਅਕਤੀ ਨੂੰ ਰੇਲਵੇ ਸਟੇਸ਼ਨ ਦੇ ਨੇੜੇ ਤੋਂ ਗ੍ਰਿਫ਼ਤਾਰ ਕੀਤਾ ਸੀ। ਪੁਲਿਸ ਨੇ ਹੁਣ ਉਸਦੇ ਖਿਲਾਫ਼ ਫਾਰਨ ਐਕਟ ਅਤੇ ਸੀਕਰੇਟ ਐਕਟ ਤਹਿਤ ਮਾਮਲਾ ਦਰਜ ਕਰ ਲਿਆ ਅਤੇ ਤਫ਼ਤੀਸ਼ ਸ਼ੁਰੂ ਕਰ ਦਿੱਤੀ ਹੈ।
File Photo
ਵੀਡੀਓ ਵੇਖਣ ਲਈ ਕਲਿੱਕ ਕਰੋ
ਇਸ ਵਿਅਕਤੀ ਦੇ ਦਸਤਾਵੇਜ਼ਾਂ ਦੀ ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਇਹ ਸ਼ੱਕੀ ਵਿਅਕਤੀ ਪਾਕਿਸਤਾਨੀ ਨਾਗਰਿਕ ਅਲੀ ਮੁਰਤਜਾ ਹੈ। ਇਸ ਕੋਲ ਅੰਬਾਲਾ ਦਾ ਵੀਜ਼ਾ ਵੀ ਨਹੀਂ ਸੀ, ਜਦੋਂ ਕਿ ਹਿੰਦੁਸਤਾਨ ਦੇ ਕੁਝ ਹੋਰ ਸ਼ਹਿਰਾਂ ਦਾ ਵੀਜ਼ਾ ਉਸ ਕੋਲ ਸੀ।
ਪੁੱਛਗਿਛ ਦੌਰਾਨ ਸ਼ੱਕੀ ਵਿਅਕਤੀ ਨੇ ਦੱਸਿਆ ਕਿ ਉਹ ਹੈਦਰਾਬਾਦ ਵੀ ਗਿਆ ਸੀ। ਇਸ ਵਿਅਕਤੀ ਨੇ ਫਾਰਨਰ ਐਕਟ ਦੀ ਉਲੰਘਣਾ ਕੀਤੀ ਹੈ। ਜਿਸ ਕਾਰਨ ਇਸ ਵਿਅਕਤੀ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ 10 ਦਿਨਾਂ ਦੀ ਰਿਮਾਂਡ ਉੱਤੇ ਲਿਆ ਗਿਆ ਹੈ।
ਹੁਣ ਸੀਆਈਏ-2 ਪੁਲਿਸ ਸ਼ੱਕੀ ਵਿਅਕਤੀ ਨੂੰ ਲੈ ਕੇ ਤਫ਼ਤੀਸ਼ ਲਈ ਹੈਦਰਾਬਾਦ ਅਤੇ ਸਿਕੰਦਰਾਬਾਦ ਗਈ ਹੋਈ ਹੈ। ਜੋਰਵਾਲ ਦੇ ਮੁਤਾਬਕ ਇਸ ਤੋਂ ਜੋ ਸਿਮ ਬਰਾਮਦ ਹੋਏ ਹਨ, ਉਹ ਕੁੱਝ ਅਜਿਹੀਆਂ ਭਾਰਤੀ ਔਰਤਾਂ ਦੇ ਨਾਂਅ ਉੱਤੇ ਹਨ, ਜਿਨ੍ਹਾਂ ਦੀ ਦੋਸਤੀ ਇਸ ਨਾਲ ਫੇਸਬੁੱਕ ਉੱਤੇ ਹੋਈ ਸੀ। ਇਸ ਗੱਲ ਦੀ ਵੀ ਡੂੰਘੀ ਜਾਂਚ ਕੀਤੀ ਜਾ ਰਹੀ ਹੈ।