ਨਵੀਂ ਦਿੱਲੀ: ਸੁਪਰੀਮ ਕੋਰਟ 6 ਫਰਵਰੀ ਨੂੰ ਮੁੜ ਤੋਂ ਕੇਰਲਾ ਦੇ ਸਬਰੀਮਾਲਾ ਮੰਦਰ ਸਮੇਤ ਵੱਖ-ਵੱਖ ਧਰਮਾਂ ਅਤੇ ਵੱਖ-ਵੱਖ ਧਾਰਮਿਕ ਥਾਵਾਂ 'ਤੇ ਔਰਤਾਂ ਨਾਲ ਹੋਣ ਵਾਲੇ ਵਿਤਕਰੇ ਬਾਰੇ ਚਰਚਾ ਲਈ ਮੁੱਦਿਆਂ ਦਾ ਫ਼ੈਸਲਾ ਕਰੇਗਾ। 9 ਜੱਜਾਂ ਦਾ ਬੈਂਚ ਮਸਜਿਦਾਂ ਵਿੱਚ ਔਰਤਾਂ ਦੇ ਦਾਖ਼ਲ, ਦਾਉਦੀ ਬੋਹਰਾ ਮੁਸਲਿਮ ਭਾਈਚਾਰੇ ਵਿੱਚ ਔਰਤਾਂ ਦੀ ਸੁੰਨਤ ਤੇ ਗੈਰ ਪਾਰਸੀ ਮਰਦਾ ਨਾਲ ਵਿਆਹ ਕਰ ਚੁੱਕਿਆ ਪਾਰਸੀ ਔਰਤਾਂ ਦੇ ਪਵਿੱਤਰ ਅੱਗ ਵਾਲੀ ਥਾਂ 'ਤੇ ਰੋਕਣ ਨਾਲ ਜੁੜੇ ਮੁੱਦਿਆਂ 'ਤੇ ਵਿਚਾਰ ਕਰੇਗਾ।
ਬੈਂਚ ਵਿੱਚ ਚੀਫ਼ ਜਸਟਿਸ ਐੱਸ.ਏ. ਬੋਬੜੇ ਤੋਂ ਇਲਾਵਾ ਜਸਟਿਸ ਆਰ ਭਾਨੂਮਤੀ, ਜਸਟਿਸ ਅਸ਼ੋਕ ਭੂਸ਼ਣ, ਜਸਟਿਸ ਐੱਲ ਨਾਗੇਸ਼ਵਰਾ ਰਾਓ, ਜਸਟਿਸ ਐੱਮਐੱਮ ਸ਼ਂਤਨਗੌਦਾਰ, ਜਸਟਿਸ ਐੱਸ.ਏ. ਨਜੀਰ, ਜਸਟਿਸ ਆਰ. ਸੁਭਾਸ਼ ਰੈੱਡੀ, ਜਸਟਿਸ ਬੀਆਰ ਗਵਈ ਅਤੇ ਜਸਟਿਸ ਸੂਰਿਆਕਾਂਤ ਸ਼ਾਮਲ ਹਨ। ਸੁਪਰੀਮ ਕੋਰਟ ਨੇ 13 ਜਨਵਰੀ ਨੂੰ ਚਾਰ ਸੀਨੀਅਰ ਵਕੀਲਾਂ ਨੂੰ ਕਿਹਾ ਸੀ ਕਿ ਉਹ ਇਸ ਮੁੱਦੇ 'ਤੇ ਚਰਚਾ ਕੀਤੇ ਜਾਣ ਵਾਲੇ ਮੁੱਦੇ 'ਤੇ ਫ਼ੈਸਲੇ ਲਈ ਇੱਕ ਬੈਠਕ ਕਰੋ।