ਉੱਤਰੀ ਕਸ਼ਮੀਰ 'ਚ ਹੋਈ ਮੁਠਭੇੜ 'ਚ 5 ਅੱਤਵਾਦੀ ਢੇਰ, 5 ਜਵਾਨ ਸ਼ਹੀਦ

ਉੱਤਰੀ ਕਸ਼ਮੀਰ ਦੇ ਕੇਰਨ ਸੈਕਟਰ ਵਿੱਚ ਕੰਟਰੋਲ ਰੇਖਾ ਤੋਂ ਪਾਰ ਘੁਸਪੈਠ ਕਰਨ ਆਏ ਅੱਤਵਾਦੀ ਸਮੂਹ ਅਤੇ ਸੁਰੱਖਿਆ ਬਲਾਂ ਵਿਚਾਲੇ ਭਿਆਨਕ ਮੁਠਭੇੜ ਹੋਈ ਜਿਸ ਵਿੱਚ 5 ਅੱਤਵਾਦੀ ਢੇਰ ਹੋ ਗਏ ਅਤੇ 5 ਫੌਜੀ ਜਵਾਨ ਸ਼ਹੀਦ ਹੋ ਗਏ।

ਸ੍ਰੀਨਗਰ: ਉੱਤਰੀ ਕਸ਼ਮੀਰ ਦੇ ਕੇਰਨ ਸੈਕਟਰ ਵਿੱਚ ਕੰਟਰੋਲ ਰੇਖਾ ਤੋਂ ਪਾਰ ਘੁਸਪੈਠ ਕਰਨ ਆਏ ਅੱਤਵਾਦੀ ਸਮੂਹ ਅਤੇ ਸੁਰੱਖਿਆ ਬਲਾਂ ਵਿਚਾਲੇ ਭਿਆਨਕ ਮੁਠਭੇੜ ਹੋਈ ਜਿਸ ਵਿੱਚ 5 ਅੱਤਵਾਦੀ ਢੇਰ ਹੋ ਗਏ ਅਤੇ 5 ਫੌਜੀ ਜਵਾਨ ਸ਼ਹੀਦ ਹੋ ਗਏ।

ਸ੍ਰੀਨਗਰ ਵਿੱਚ ਇੱਕ ਰੱਖਿਆ ਬੁਲਾਰੇ ਨੇ ਪਹਿਲਾਂ ਕਿਹਾ ਸੀ ਕਿ ਕੇਰਨ ਖੇਤਰ ਵਿੱਚ ਅੱਤਵਾਦੀਆਂ ਨਾਲ ਮੁਠਭੇੜ 'ਚ ਫੌਜ ਦੇ 3 ਜਵਾਨ ਸ਼ਹੀਦ ਹੋਏ ਹਨ, ਹਾਲਾਂਕਿ ਬਾਅਦ ਵਿੱਚ ਅਧਿਕਾਰੀਆਂ ਨੇ ਦੱਸਿਆ ਕਿ 5 ਜਵਾਨ ਸ਼ਹੀਦ ਹੋ ਗਏ ਹਨ।

ਦੱਸ ਦਈਏ ਕਿ 3 ਅਤੇ 4 ਅਪ੍ਰੈਲ ਦੀ ਅੱਧੀ ਰਾਤ ਵੇਲੇ ਚੱਲ ਰਹੇ ਇਸ ਆਪ੍ਰੇਸ਼ਨ ਵਿੱਚ 5 ਅੱਤਵਾਦੀ ਵੀ ਢੇਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਅੱਤਵਾਦੀ ਸ਼ਮਸਬਰੀ ਰੇਂਜ ਤੋਂ ਭਾਰਤੀ ਖੇਤਰ ਵਿੱਚ ਵੜੇ ਸੀ ਅਤੇ ਸੈਕਟਰ ਦੇ ਪੋਸਵਾਲ ਇਲਾਕੇ 'ਚ 'ਗਰਜਰ ਢੋਕ' ਵਿੱਚ ਲੁਕੇ ਸੀ।