ਨਵੀਂ ਦਿੱਲੀ: ਤਿੰਨ ਕੇਂਦਰੀ ਮੰਤਰੀ ਅਰਜੁਨ ਰਾਮ ਮੇਘਵਾਲ, ਡਾ. ਅਸ਼ਵਨੀ ਚੋਬੇ ਤੇ ਡਾ. ਜਿਤੇਂਦਰ ਸਿੰਘ ਜੰਮੂ-ਕਸ਼ਮੀਰ ਦੇ ਦੌਰੇ ਤੇ ਹਨ। ਅਰਜੁਨ ਰਾਮ ਮੇਘਵਾਲ ਤੇ ਡਾ. ਅਸ਼ਵਨੀ ਚੋਬੇ ਸਾਂਬਾ ਜ਼ਿਲ੍ਹੇ 'ਚ ਜਾਣਗੇ ਜਦਕਿ ਡਾ. ਜਿਤੇਂਦਰ ਸਿੰਘ ਜੰਮੂ ਦਾ ਦੌਰਾ ਕਰਨਗੇ। ਤਿੰਨੋਂ ਮੰਤਰੀ ਜੰਮੂ-ਕਸ਼ਮੀਰ ਦੇ ਵਿਕਾਸ ਲਈ ਕੇਂਦਰ ਸਰਕਾਰ ਦੀ ਨੀਤੀਆਂ ਸਬੰਧੀ ਜਾਣਕਾਰੀ ਦੇਣਗੇ।
ਧਾਰਾ 370 ਹਟਾਏ ਜਾਣ ਤੋਂ ਬਾਅਦ ਅੱਜ ਜੰਮੂ-ਕਸ਼ਮੀਰ ਜਾਣਗੇ ਤਿੰਨ ਕੇਂਦਰੀ ਮੰਤਰੀ
ਧਾਰਾ 370 ਹਟਾਏ ਜਾਣ ਤੋਂ ਬਾਅਦ ਜੰਮੂ-ਕਸ਼ਮੀਰ ਦੇ ਵਿਕਾਸ ਲਈ ਕੇਂਦਰ ਸਰਕਾਰ ਵੱਲੋਂ ਸੋਚੀਆਂ ਪਹਿਲ ਕਦਮੀਆਂ ਤੇ ਨੀਤੀਆਂ ਬਾਰੇ ਜਾਗਰੂਕ ਲਈ ਤਿੰਨ ਕੇਂਦਰੀ ਮੰਤਰੀ ਅੱਜ ਜੰਮੂ-ਕਸ਼ਮੀਰ ਜਾਣਗੇ। ਅਰਜੁਨ ਰਾਮ ਮੇਘਵਾਲ ਤੇ ਡਾ. ਅਸ਼ਵਨੀ ਚੋਬੇ ਸਾਂਬਾ ਜ਼ਿਲ੍ਹੇ 'ਚ ਜਾਣਗੇ ਜਦਕਿ ਡਾ. ਜਿਤੇਂਦਰ ਸਿੰਘ ਜੰਮੂ ਦਾ ਦੌਰਾ ਕਰਨਗੇ।
ਫ਼ੋਟੋ
ਕੇਂਦਰ ਸਰਕਾਰ ਦੇ ਖ਼ਾਸ ਜਨਤਕ ਪ੍ਰੋਗਰਾਮ ਤਹਿਤ, ਕੇਂਦਰੀ ਮੰਤਰੀਆਂ ਦਾ ਵਫ਼ਦ ਕੇਂਦਰ ਸ਼ਾਸਤ ਪ੍ਰਦੇਸ਼ ਜੰਮੂ-ਕਸ਼ਮੀਰ ਪਹੁੰਚੇਗਾ ਤੇ ਉਥੋਂ ਦੇ ਲੋਕਾਂ ਨਾਲ ਗੱਲਬਾਤ ਕਰੇਗਾ। ਵਫ਼ਦ ਲੋਕਾਂ ਨੂੰ ਜੂਨ 2018 'ਚ ਲਾਗੂ ਹੋਏ ਰਾਸ਼ਟਰਪਤੀ ਸ਼ਾਸਨ ਤੋਂ ਬਾਅਦ ਹੁਣ ਤੱਕ ਜੰਮੂ-ਕਸ਼ਮੀਰ ਨੂੰ ਸੂਬੇ ਤੋਂ ਕੇਂਦਰ ਸ਼ਾਸਤ ਪ੍ਰਦੇਸ਼ ਬਣਾਏ ਜਾਣ ਤੱਕ ਦੇ ਵਿਕਾਸ ਬਾਰੇ ਜਾਣਕਾਰੀ ਦੇਵੇਗਾ।
ਇਸ ਪ੍ਰੋਗਰਾਮ ਤਹਿਤ ਮੰਤਰੀ ਵੱਖ-ਵੱਖ ਜ਼ਿਲ੍ਹਿਆਂ 'ਚ ਜਾ ਕੇ ਕੇਂਦਰ ਸਰਕਾਰ ਵੱਲੋਂ ਜੰਮੂ-ਕਸ਼ਮੀਰ ਲਈ ਚੁੱਕੇ ਮਹੱਤਵਪੂਰਨ ਕਦਮਾਂ ਦੀ ਮਹੱਤਤਾ ਨੂੰ ਬਿਆਨ ਕਰਨਗੇ।