ਸੂਰਜਪੁਰ/ਛੱਤੀਸਗੜ੍ਹ: ਜ਼ਿਲੇ ਦਾ ਪ੍ਰਤਾਪਪੁਰ ਜੰਗਲ ਰੇਂਜ ਹਾਥੀਆਂ ਦੀ ਕਬਰਗਾਹ ਬਣਦਾ ਜਾ ਰਿਹਾ ਹੈ। ਬੁੱਧਵਾਰ ਨੂੰ ਇੱਥੇ ਇੱਕ ਹੋਰ ਹਾਥੀ ਦੀ ਮੌਤ ਹੋ ਗਈ। ਜਿਸ ਦੀ ਲਾਸ਼ ਕਨਕ ਨਗਰ ਨੇੜੇ ਮਿਲੀ ਹੈ।
ਵੱਡੀ ਗੱਲ ਇਹ ਹੈ ਕਿ ਕੱਲ੍ਹ ਯਾਨੀ ਮੰਗਲਵਾਰ ਨੂੰ ਵੀ ਇੱਕ ਹਾਥੀ ਦੀ ਲਾਸ਼ ਡੈਮ ਦੇ ਕਿਨਾਰੇ ਤੋਂ ਮਿਲੀ ਸੀ ਜਿਸ ਦੀ ਜਾਣਕਾਰੀ ਪਿੰਡ ਵਾਸੀਆਂ ਨੇ ਜੰਗਲਾਤ ਵਿਭਾਗ ਨੂੰ ਦਿੱਤੀ। ਜੰਗਲਾਤ ਵਿਭਾਗ ਹਾਥੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਕਿਸ ਤਰ੍ਹਾਂ ਸੁਚੇਤ ਹੈ ਇਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਪਿਛਲੇ 20 ਦਿਨਾਂ ਵਿੱਚ ਪ੍ਰਤਾਪਪੁਰ ਜੰਗਲ ਵਿੱਚ 3 ਹਾਥੀਆਂ ਦੀ ਮੌਤ ਹੋ ਚੁੱਕੀ ਹੈ।
ਪਿਛਲੇ ਹਫ਼ਤੇ ਕੇਰਲਾ ਦੇ ਮੱਲਾਪੁਰਾਮ ਵਿੱਚ ਗਰਭਵਤੀ ਹਥਿਨੀ ਨਾਲ਼ ਹੋਈ ਬੇਰਹਿਮੀ ਦੀ ਘਟਨਾ ਅਜੇ ਸਾਹਮਣੇ ਆਈ ਹੀ ਸੀ ਕਿ ਛੱਤੀਸਗੜ੍ਹ ਦੇ ਸੂਰਜਪੁਰ ਵਿੱਚ ਲਗਾਤਾਰ 3 ਹਾਥੀਆਂ ਦੇ ਮਰ ਜਾਣ ਦਾ ਪਤਾ ਲੱਗਿਆ ਹੈ।
ਮੰਗਲਵਾਰ ਨੂੰ 15 ਸਾਲਾ ਹਥਨੀ ਦੀ ਲਾਸ਼ ਪ੍ਰਤਾਪਪੁਰ ਵਣ ਰੇਂਜ ਤੋਂ ਮਿਲੀ ਸੀ। ਹਥਨੀ ਦੀ ਲਾਸ਼ ਪ੍ਰਤਾਪਪੁਰ ਤੋਂ 7 ਕਿਲੋਮੀਟਰ ਦੀ ਦੂਰੀ 'ਤੇ ਗਣੇਸ਼ਪੁਰ' ਚ ਮਿਲੀ ਸੀ। ਜੰਗਲਾਤ ਵਿਭਾਗ ਦੇ ਐਸ.ਡੀ.ਓ ਨੇ ਆਪਸੀ ਲੜਾਈ ਵਿੱਚ ਹਥਨੀ ਦੀ ਮੌਤ ਹੋਣ ਦਾ ਖ਼ਦਸ਼ਾ ਪ੍ਰਗਟ ਕੀਤਾ ਹੈ।
ਦੱਸ ਦੇਈਏ ਕਿ ਧਰਮਪੁਰ ਅਧੀਨ ਆਉਂਦੇ ਗਣੇਸ਼ਪੁਰ, ਸਵੇਰੇ ਪ੍ਰਤਾਪਪੁਰ ਵਣ ਰੇਂਜ ਅਧੀਨ ਆਰ.ਐਫ 42 ਦੇ ਸਰਕਲ 42, ਪਿੰਡ ਵਾਸੀਆਂ ਨੇ ਡੈਮ ਦੇ ਕੰਢੇ ਹਥਨੀ ਦੀ ਲਾਸ਼ ਵੇਖੀ। ਪਿੰਡ ਵਾਸੀਆਂ ਨੇ ਇਸ ਦੀ ਸੂਚਨਾ ਤੁਰੰਤ ਜੰਗਲਾਤ ਵਿਭਾਗ ਪ੍ਰਤਾਪਪੁਰ ਨੂੰ ਦਿੱਤੀ, ਜਦੋਂ ਕਿ ਘਟਨਾ ਵਾਲੀ ਥਾਂ ਪ੍ਰਤਾਪਪੁਰ ਮੁੱਖ ਦਫ਼ਤਰ ਤੋਂ ਸਿਰਫ 7 ਕਿਲੋਮੀਟਰ ਦੀ ਦੂਰੀ ‘ਤੇ ਹੈ। ਜੰਗਲਾਤ ਵਿਭਾਗ ਦੇ ਅਨੁਸਾਰ 15 ਸਾਲਾ ਹਥਨੀ ਪਿਆਰੀ ਦਲ ਦਾ ਮੈਂਬਰ ਸੀ। ਇਸ ਟੀਮ ਵਿੱਚ ਤਕਰੀਬਨ 18 ਮੈਂਬਰ ਹਨ।
ਇਕ ਪਾਸੇ ਕੇਰਲ ਦੇ ਮੱਲਾਪੁਰਮ ਵਿੱਚ ਵਾਪਰੀ ਘਟਨਾ ਕਾਰਨ ਸਾਰੇ ਦੇਸ਼ ਵਿੱਚ ਗੁੱਸਾ ਹੈ, ਦੂਜੇ ਪਾਸੇ ਛੱਤੀਸਗੜ੍ਹ ਦੇ ਸੂਰਜਪੁਰ ਵਿਚ ਰੋਜ਼ਾਨਾ ਮਿਲੀਆਂ ਹਾਥੀਆਂ ਦੀਆਂ ਲਾਸ਼ਾਂ ਜੰਗਲਾਤ ਵਿਭਾਗ ਦੇ ਕੰਮਕਾਜ ਉੱਤੇ ਵੱਡਾ ਸਵਾਲ ਖੜ੍ਹੇ ਕਰ ਰਹੀਆਂ ਹਨ।
