ਵਿਸ਼ਾਖਾਪਟਨਮ (ਆਂਧਰਾ ਪ੍ਰਦੇਸ਼): ਵਿਸ਼ਾਖਾਪਟਨਮ ਵਿੱਚ ਸ਼ਨੀਵਾਰ ਨੂੰ ਇੱਕ ਕ੍ਰੇਨ ਡਿੱਗਣ ਨਾਲ ਘੱਟੋ ਘੱਟ 11 ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਹੋਰ ਜ਼ਖਮੀ ਹੋ ਗਿਆ। ਡੀਸੀਪੀ ਸੁਰੇਸ਼ ਬਾਬੂ ਨੇ ਪੁਸ਼ਟੀ ਕੀਤੀ ਕਿ ਇਹ ਘਟਨਾ ਹਿੰਦੁਸਤਾਨ ਸ਼ਿਪਯਾਰਡ ਲਿਮਟਿਡ ਵਿਖੇ ਵਾਪਰੀ ਹੈ।
ਡੀਸੀਪੀ ਨੇ ਕਿਹਾ, "ਆਂਧਰਾ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਵਿੱਚ ਹਿੰਦੁਸਤਾਨ ਸ਼ਿਪਯਾਰਡ ਲਿਮਟਿਡ ਵਿਖੇ ਇੱਕ ਕ੍ਰੇਨ ਹਾਦਸਾਗ੍ਰਸਤ ਹੋ ਗਈ। ਇਸ ਘਟਨਾ ਵਿੱਚ 11 ਮਾਰੇ ਗਏ ਅਤੇ 1 ਜ਼ਖਮੀ ਹੈ।"
ਵੀਡੀਓ
ਜਨ ਸੈਨਾ ਦੇ ਹਮਾਇਤੀ ਰਾਮ ਕ੍ਰਿਸ਼ਨ ਨੇ ਕਿਹਾ, “ਕ੍ਰੇਨ ਹਾਦਸਾ ਦੁਪਹਿਰ 12 ਵਜੇ ਵਾਪਰਿਆ। ਲੋਡ ਟੈਸਟਿੰਗ ਦੇ ਸਮੇਂ ਕ੍ਰੇਨ ਡਿੱਗ ਪਈ। ਅਸੀਂ ਵਿਸ਼ਾਖਾਪਟਨਮ ਵਿੱਚ ਪਿਛਲੇ 90 ਦਿਨਾਂ ਤੋਂ ਦੇਖ ਰਹੇ ਹਾਂ ਕਿ ਐਲਜੀ ਪੋਲੀਮਰ ਗੈਸ ਲੀਕ ਹੋਇਆ ਸੀ, ਫੇਰ ਵਿਸ਼ਾਖਾਪਟਨਮ ਦੇ ਕੰਟੇਨਰ ਯਾਰਡ ਵਿੱਚ ਧਮਾਕਾ ਹੋਇਆ ਅਤੇ ਹੁਣ ਇਹ।"