ਚੇਨਈ: ਦੱਖਣੀ ਪੱਛਮੀ ਬੰਗਾਲ ਦੀ ਖਾੜੀ 'ਤੇ ਡੂੰਘੇ ਦਬਾਅ ਦੇ ਖੇਤਰ ਨੇ ਮੰਗਲਵਾਰ ਨੂੰ ਚੱਕਰਵਾਤ ਬੁਰੇਵੀ ਦਾ ਰੂਪ ਧਾਰਨ ਕਰ ਲਿਆ। ਭਾਰਤੀ ਮੌਸਮ ਵਿਭਾਗ ਨੇ ਇਸ ਬਾਰੇ ਜਾਣਕਾਰੀ ਦਿੰਦੀਆਂ 2 ਦਸੰਬਰ ਨੂੰ ਸ਼੍ਰੀਲੰਕਾ ਦੇ ਕੰਢਿਆਂ ਤੋਂ ਪਾਰ ਹੋਣ ਦੀ ਸੰਭਾਵਨਾ ਜ਼ਾਹਿਰ ਕੀਤੀ ਹੈ।
ਬੁਰੇਵੀ ਤੂਫਾਨ ਦੇ ਮੱਦੇਨਜ਼ਰ ਰਾਸ਼ਟਰੀ ਆਫ਼ਤ ਜਵਾਬ ਫੋਰਸ (NDRF) ਦੀਆਂ ਟੀਮਾਂ ਕੰਨਿਆਕੁਮਾਰੀ, ਤਾਮਿਲਨਾਡੂ ਅਤੇ ਅਲਾਪੂਝਾ, ਕੇਰਲ ਵਿੱਚ ਤਾਇਨਾਤ ਕੀਤੀਆਂ ਗਈਆਂ ਹਨ।
ਆਈਐਮਡੀ ਨੇ ਇੱਕ ਬੁਲੇਟਿਨ ਵਿੱਚ ਕਿਹਾ ਹੈ ਕਿ ਸ਼੍ਰੀਲੰਕਾ ਦੇ ਤ੍ਰਿੰਕੋਮਾਲੀ ਪਹੁੰਚਣ ਤੋਂ ਬਾਅਦ, ਬੁਰੇਵੀ ਦੇ ਤਾਮਿਲਨਾਡੂ ਵਿੱਚ ਮੰਨਾਰ ਦੀਆਂ ਖਾੜੀਆਂ ਅਤੇ ਕੰਨਿਆਕੁਮਾਰੀ ਦੇ ਆਸਪਾਸ ਕੋਮੋਰਿਨ ਇਲਾਕੇ ਦੇ ਵੱਲ ਆਉਣ ਦਾ ਖ਼ਦਸਾ ਹੈ।
ਵਿਭਾਗ ਨੇ ਦੱਸਿਆ ਕਿ ਇਸ ਤੋਂ ਬਾਅਦ ਇਹ 4 ਦਸੰਬਰ ਦੀ ਸਵੇਰ ਨੂੰ ਪੱਛਮ-ਦੱਖਣ-ਪੱਛਮ ਵੱਲ ਵਧੇਗਾ ਅਤੇ ਕੰਨਿਆਕੁਮਾਰੀ ਅਤੇ ਪਮਬਨ ਦੇ ਵਿਚਕਾਰ ਦੱਖਣ ਤਾਮਿਲਨਾਡੂ ਦੇ ਕੰਢਿਆਂ ਨੂੰ ਪਾਰ ਕਰੇਗਾ।
ਵਿਭਾਗ ਨੇ ਪਹਿਲਾਂ ਕਿਹਾ ਸੀ ਕਿ ਦੱਖਣੀ ਤਾਮਿਲਨਾਡੂ ਅਤੇ ਦੱਖਣੀ ਕੇਰਲ ਵਿੱਚ 3 ਦਸੰਬਰ ਨੂੰ ਕੁਝ ਥਾਵਾਂ ‘ਤੇ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ।