ਤ੍ਰਿਵੇਂਦਰਮ:ਆਂਧਰਾ ਪ੍ਰਦੇਸ਼ ਦੀ ਇੱਕ ਵਿਦਿਆਰਥਣ ਨੂੰ ਹੋਸਟਲ ਵਿੱਚ ਰੂਮਮੇਟ ਨੂੰ ਅੱਗ ਲਾਉਣ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਘਟਨਾ ਇੱਥੋਂ ਦੇ ਵੇਲਯਾਨੀ ਐਗਰੀਕਲਚਰਲ ਕਾਲਜ ਦੀ ਹੈ। ਆਂਧਰਾ ਪ੍ਰਦੇਸ਼ ਦੇ ਮੂਲ ਨਿਵਾਸੀ ਅਤੇ ਕਾਲਜ ਵਿੱਚ ਚੌਥੇ ਸਾਲ ਦੇ ਵਿਦਿਆਰਥੀ ਨੂੰ ਘਟਨਾ ਦੇ ਸਬੰਧ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ।
ਆਂਧਰਾ ਪ੍ਰਦੇਸ਼ ਦੀ ਗ੍ਰੈਜੂਏਟ ਦੇ ਫਾਈਨਲ ਈਅਰ ਦੀ ਵਿਦਿਆਰਥਣ ਦੀਪਿਕਾ ਦੀ ਪਿੱਠ 'ਤੇ ਗੰਭੀਰ ਸੱਟ ਲੱਗੀ ਹੈ। ਦੋਸ਼ੀ ਲੜਕੀ ਨੇ ਦੀਪਿਕਾ 'ਤੇ ਦੁੱਧ ਗਰਮ ਕਰਨ ਲਈ ਵਰਤੇ ਜਾਂਦੇ ਗਰਮ ਬਰਤਨ ਨਾਲ ਹਮਲਾ ਕੀਤਾ। ਘਟਨਾ ਇਕ ਹਫਤਾ ਪਹਿਲਾਂ ਦੀ ਹੈ, ਜਿਸ ਦਾ ਵੀਰਵਾਰ ਨੂੰ ਪਤਾ ਲੱਗਾ। ਹਮਲੇ ਤੋਂ ਬਾਅਦ ਦੀਪਿਕਾ ਘਰ ਚਲੀ ਗਈ। ਜਦੋਂ ਉਸ ਦੇ ਮਾਤਾ-ਪਿਤਾ ਨੇ ਉਸ ਦੇ ਜ਼ਖਮ ਦੇਖੇ ਤਾਂ ਉਹ ਉਸ ਨੂੰ ਨਾਲ ਲੈ ਕੇ ਕੇਰਲ ਗਏ ਅਤੇ ਕਾਲਜ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ।
ਕਾਲਜ ਪ੍ਰਬੰਧਕਾਂ ਨੇ ਇਸ ਦੀ ਸੂਚਨਾ ਤਿਰੂਵਲਮ ਪੁਲਿਸ ਨੂੰ ਦਿੱਤੀ। ਦੀਪਿਕਾ ਦਾ ਇਲਾਜ ਤਿਰੂਵਨੰਤਪੁਰਮ ਦੇ ਜਨਰਲ ਹਸਪਤਾਲ 'ਚ ਚੱਲ ਰਿਹਾ ਹੈ। ਹਸਪਤਾਲ ਪ੍ਰਸ਼ਾਸਨ ਅਤੇ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਉਸਦੀ ਹਾਲਤ ਸਥਿਰ ਹੈ। ਹੋਸਟਲ ਦੇ ਕਮਰੇ ਵਿੱਚ ਹੋਏ ਝਗੜੇ ਕਾਰਨ ਇਸ ਘਟਨਾ ਨੂੰ ਅੰਜ਼ਾਮ ਦਿੱਤਾ ਗਿਆ। ਸ਼ਿਕਾਇਤ ਅਨੁਸਾਰ ਵਿਦਿਆਰਥਣ ਨੂੰ ਨਾ ਸਿਰਫ਼ ਸਾੜਿਆ ਗਿਆ ਸਗੋਂ ਮੋਬਾਈਲ ਚਾਰਜਰ ਨਾਲ ਸਿਰ 'ਤੇ ਵੀ ਵਾਰ ਕੀਤਾ ਗਿਆ। ਇਸ ਦੌਰਾਨ ਹੋਰ ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਲੜਕੀ ਨੇ ਬਿਨਾਂ ਕਿਸੇ ਭੜਕਾਹਟ ਦੇ ਆਪਣੇ ਸਹਿਪਾਠੀ 'ਤੇ ਹਮਲਾ ਕੀਤਾ।
ਕੇਰਲ ਯੂਨੀਵਰਸਿਟੀ ਨੇ ਮਾਮਲੇ ਦੀ ਵਿਆਪਕ ਜਾਂਚ ਲਈ ਚਾਰ ਮੈਂਬਰੀ ਕਮੇਟੀ ਬਣਾਈ ਹੈ। ਇਸ ਦੌਰਾਨ ਕਾਲਜ ਮੈਨੇਜਮੈਂਟ ਨੇ ਦੋਵਾਂ ਵਿਦਿਆਰਥਣਾਂ ਦੇ ਮਾਪਿਆਂ ਨੂੰ ਸੂਚਿਤ ਕਰ ਕੇ ਕੇਰਲ ਆਉਣ ਲਈ ਕਿਹਾ। ਤਿਰੂਵਲਮ ਪੁਲਿਸ ਨੇ ਕਿਹਾ ਕਿ ਮਾਮਲੇ ਦੀ ਵਿਆਪਕ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।ਇਸ ਮਾਮਲੇ ਵਿੱਚ ਕਾਲਜ ਪ੍ਰਸ਼ਾਸਨ ਨੇ ਤਿੰਨ ਵਿਦਿਆਰਥੀਆਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਪਤਾ ਲੱਗਾ ਹੈ ਕਿ ਹਮਲੇ ਲਈ ਆਰੋਪੀ ਲੜਕੀ ਨੇ 2 ਹੋਰ ਵਿਦਿਆਰਥੀਆਂ ਦੀ ਮਦਦ ਲਈ ਸੀ।
