ਪਤੀ ਦੀ ਮੌਤ ਤੋਂ ਬਾਅਦ ਗਰਭਵਤੀ ਹੋਈ ਔਰਤ, 11 ਮਹੀਨਿਆਂ ਬਾਅਦ ਦਿੱਤਾ ਬੱਚੇ ਨੂੰ ਜਨਮ

ਤੇਲੰਗਾਨਾ ਦੇ ਮਨਚੇਰੀਅਲ ਦੀ ਰਹਿਣ ਵਾਲੀ ਇੱਕ ਔਰਤ ਆਪਣੇ ਪਤੀ ਦੀ ਮੌਤ ਤੋਂ 11 ਮਹੀਨੇ ਬਾਅਦ ਗਰਭਵਤੀ ਹੋ ਗਈ। ਆਖਿਰ ਇਹ ਕਿਵੇਂ ਸੰਭਵ ਹੋਇਆ, ਜਾਣਨ ਲਈ ਪੜ੍ਹੋ ਪੂਰੀ ਖ਼ਬਰ।

ਹੈਦਰਾਬਾਦ: ਆਧੁਨਿਕ ਦਵਾਈ ਦੀ ਮਦਦ ਨਾਲ ਸਾਡੀ ਜ਼ਿੰਦਗੀ 'ਚ ਕਈ ਅਜਿਹੀਆਂ ਚੀਜ਼ਾਂ ਸੰਭਵ ਹੋ ਗਈਆਂ ਹਨ, ਜਿਨ੍ਹਾਂ ਬਾਰੇ ਪਹਿਲਾਂ ਲੋਕ ਸੋਚ ਵੀ ਸਕਦੇ ਸਨ। ਹਾਲ ਹੀ 'ਚ ਤੇਲੰਗਾਨਾ 'ਚ ਇਸ ਦੀ ਮਿਸਾਲ ਦੇਖਣ ਨੂੰ ਮਿਲੀ। ਜਿੱਥੇ ਆਧੁਨਿਕ ਦਵਾਈ ਦੀ ਮਦਦ ਨਾਲ ਪਤੀ ਦੀ ਮੌਤ ਦੇ 11 ਮਹੀਨੇ ਬਾਅਦ ਮਹਿਲਾ ਗਰਭਵਤੀ ਹੋ ਗਈ। ਦਰਅਸਲ ਮਨਚੇਰੀਅਲ ਦੇ ਇੱਕ ਜੋੜੇ ਨੇ ਸਾਲ 2013 ਵਿੱਚ ਵਿਆਹ ਕੀਤਾ ਸੀ ਪਰ 7 ਸਾਲਾਂ ਤੱਕ ਉਨ੍ਹਾਂ ਦੇ ਕੋਈ ਔਲਾਦ ਨਹੀਂ ਸੀ। ਇਸਦੇ ਲਈ ਉਸਨੇ ਸਾਲ 2020 ਤੋਂ ਵਾਰੰਗਲ ਦੇ ਓਏਸਿਸ ਫਰਟੀਲਿਟੀ ਸੈਂਟਰ ਤੋਂ ਇਲਾਜ ਕਰਵਾਉਣਾ ਸ਼ੁਰੂ ਕਰ ਦਿੱਤਾ।

ਇਸ ਦੌਰਾਨ ਮਾਰਚ ਵਿੱਚ ਡਾਕਟਰਾਂ ਨੇ ਜਾਂਚ ਲਈ ਜੋੜੇ ਤੋਂ ਔਰਤ ਦਾ ਅੰਡੇ ਅਤੇ ਪੁਰਸ਼ ਦਾ ਵੀਰਜ ਇਕੱਠਾ ਕੀਤਾ। ਪਰ 2021 ਵਿੱਚ ਮਹਿਲਾ ਦੇ ਪਤੀ ਦੀ ਕੋਰੋਨਾ ਕਾਰਨ ਮੌਤ ਹੋ ਗਈ। 32 ਸਾਲਾਂ ਔਰਤ ਆਪਣੇ ਪਤੀ ਦੀ ਮੌਤ ਨਾਲ ਬੱਚੇ ਦੀ ਖੁਸ਼ੀ ਪੂਰੀ ਨਾ ਕਰਦੇ ਹੋਏ ਪੂਰੀ ਤਰ੍ਹਾਂ ਟੁੱਟ ਗਈ ਅਤੇ ਆਪਣੀ ਸੱਸ ਨਾਲ ਰਹਿਣ ਲੱਗੀ।

ਪਰ ਔਰਤ ਵਾਰੰਗਲ ਦੇ ਹਸਪਤਾਲ ਵਿੱਚ ਮੌਜੂਦ ਆਪਣੇ ਪਤੀ ਦੇ ਵੀਰਜ ਤੋਂ ਗਰਭਵਤੀ ਹੋਣਾ ਚਾਹੁੰਦੀ ਸੀ। ਉਸ ਨੇ ਇਹ ਗੱਲ ਆਪਣੇ ਸਹੁਰੇ ਨੂੰ ਦੱਸੀ ਅਤੇ ਉਨ੍ਹਾਂ ਦੀ ਇਜਾਜ਼ਤ ਤੋਂ ਬਾਅਦ ਡਾਕਟਰਾਂ ਨਾਲ ਸੰਪਰਕ ਕੀਤਾ। ਇਸ ਤੋਂ ਇਲਾਵਾ ਅਦਾਲਤ ਨੇ ਵੀ ਬਿਨਾਂ ਕਿਸੇ ਕਾਨੂੰਨੀ ਮੁਸ਼ਕਲ ਦੇ ਔਰਤ ਨੂੰ ਮਨਜ਼ੂਰੀ ਦਿੱਤੀ। ਇਸ ਤੋਂ ਬਾਅਦ ਡਾਕਟਰਾਂ ਨੇ ਅਗਸਤ 2021 ਵਿੱਚ ਔਰਤ ਦੇ ਅੰਡੇ ਅਤੇ ਉਸਦੇ ਪਤੀ ਦੇ ਵੀਰਜ ਤੋਂ ਆਈਵੀਐਫ ਪ੍ਰਕਿਰਿਆ ਸ਼ੁਰੂ ਕੀਤੀ ਅਤੇ ਔਰਤ ਨੇ ਇਸ ਸਾਲ 22 ਮਾਰਚ ਨੂੰ ਇੱਕ ਬੇਟੇ ਨੂੰ ਜਨਮ ਦਿੱਤਾ। ਹੁਣ ਬੱਚੇ ਦੇ ਰੋਣ ਨਾਲ ਔਰਤ ਅਤੇ ਉਸ ਦਾ ਪਰਿਵਾਰ ਫਿਰ ਤੋਂ ਖੁਸ਼ ਹਨ।

ਇਹ ਵੀ ਪੜ੍ਹੋ:ਏਟੀਐਮ ਮਸ਼ੀਨ ਚੋਂ ਜਲਦ ਹੀ ਬਿਨ੍ਹਾਂ ATM ਕਾਰਡ ਦੇ ਮਿਲੇਗੀ ਨਕਦੀ ਕੱਢਣ ਦੀ ਸੁਵਿਧਾ: ਆਰ.ਬੀ.ਆਈ