ਓਡੀਸ਼ਾ:ਕੇਂਦਰਪਾੜਾ ਦੇ ਬਲੀਆ ਬਾਜ਼ਾਰ 'ਚ ਬੁੱਧਵਾਰ ਨੂੰ ਭਗਵਾਨ ਕਾਰਤੀਕੇਸ਼ਵਰ ਦੇ ਵਿਸਰਜਨ ਸਮਾਰੋਹ ਦੌਰਾਨ ਪਟਾਕਿਆਂ ਕਾਰਨ ਨਾਲ ਘੱਟੋ-ਘੱਟ 40 ਲੋਕ ਝੁਲਸ ਗਏ। ਪੁਲਿਸ ਨੇ ਦੱਸਿਆ ਕਿ ਇੱਥੋਂ ਕਰੀਬ 80 ਕਿਲੋਮੀਟਰ ਦੂਰ ਬਲੀਆ ਬਾਜ਼ਾਰ 'ਚ ਵਿਸਰਜਨ ਸਥਾਨ 'ਤੇ ਵੱਖ-ਵੱਖ ਪੂਜਾ ਪੰਡਾਲਾਂ 'ਚ ਪਟਾਕੇ (Odisha firecrackers blast News) ਚਲਾਉਣ ਦਾ ਮੁਕਾਬਲਾ ਕਰਵਾਇਆ ਗਿਆ।
ਕੇਂਦਰਪਾੜਾ 'ਚ ਪਟਾਕਿਆਂ ਕਾਰਨ ਧਮਾਕਾ, 40 ਜ਼ਖਮੀ
ਉਨ੍ਹਾਂ ਕਿਹਾ ਕਿ ਪਟਾਕਿਆਂ ਦੀ ਚੰਗਿਆੜੀ ਪਟਾਕਿਆਂ ਦੇ ਢੇਰ 'ਤੇ ਡਿੱਗ ਗਈ ਜਿਸ ਨਾਲ ਧਮਾਕਾ ਹੋ ਗਿਆ ਅਤੇ ਲੋਕ ਜ਼ਖਮੀ ਹੋ ਗਏ। ਕਈ ਮਰੀਜ਼ਾਂ ਨੂੰ ਜ਼ਿਲ੍ਹਾ ਹੈੱਡਕੁਆਰਟਰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਦਕਿ ਗੰਭੀਰ ਮਰੀਜ਼ਾਂ ਨੂੰ ਕਟਕ ਦੇ ਐਸਸੀਬੀ ਮੈਡੀਕਲ ਕਾਲਜ ਹਸਪਤਾਲ ਵਿੱਚ ਭੇਜ ਦਿੱਤਾ ਗਿਆ ਹੈ।