ਨਵੀਂ ਦਿੱਲੀ/ਦਾਵੋਸ : ਕੋਰੋਨਾ ਮਹਾਂਮਾਰੀ ਦੇ ਪਹਿਲੇ ਦੋ ਸਾਲਾਂ ਵਿਚ ਦੁਨੀਆ ਦੇ 99 ਫੀਸਦੀ ਲੋਕਾਂ ਦੀ ਆਮਦਨ ਵਿਚ ਗਿਰਾਵਟ ਆਈ ਹੈ ਅਤੇ 16 ਕਰੋੜ ਤੋਂ ਜ਼ਿਆਦਾ ਲੋਕ 'ਗਰੀਬ' ਦੀ ਸ਼੍ਰੇਣੀ ਵਿਚ ਆ ਗਏ ਹਨ। ਦੂਜੇ ਪਾਸੇ, ਮਹਾਂਮਾਰੀ ਦੇ ਸਮੇਂ ਦੌਰਾਨ, ਦੁਨੀਆ ਦੇ 10 ਸਭ ਤੋਂ ਅਮੀਰ ਲੋਕਾਂ ਦੀ ਦੌਲਤ ਪ੍ਰਤੀ ਦਿਨ 1.3 ਬਿਲੀਅਨ ਡਾਲਰ (9,000 ਕਰੋੜ ਰੁਪਏ) ਦੀ ਦਰ ਨਾਲ ਵਧ ਕੇ 1,500 ਬਿਲੀਅਨ ਡਾਲਰ (111 ਲੱਖ ਕਰੋੜ ਰੁਪਏ ਤੋਂ ਵੱਧ) ਹੋ ਗਈ
ਆਕਸਫੈਮ ਇੰਟਰਨੈਸ਼ਨਲ (Oxfam International ) ਨੇ ਵਰਲਡ ਇਕਨਾਮਿਕ ਫੋਰਮ (ਡਬਲਯੂ.ਈ.ਐੱਫ.) ਦੇ ਆਨਲਾਈਨ ਦਾਵੋਸ ਏਜੰਡਾ ਸੰਮੇਲਨ (Online Davos Agenda Summit ) ਦੇ ਪਹਿਲੇ ਦਿਨ ਜਾਰੀ ਕੀਤੀ ਆਪਣੀ ਰਿਪੋਰਟ 'ਇਨਕਵਾਲਿਟੀ ਕਿਲਸ' 'ਚ ਕਿਹਾ ਕਿ ਅਸਮਾਨਤਾ ਕਾਰਨ ਪ੍ਰਤੀ ਦਿਨ ਘੱਟੋ-ਘੱਟ 21,000 ਲੋਕ ਜਾਂ ਇਸ ਤੋਂ ਵੱਧ ਚਾਰ ਸਕਿੰਟਾਂ 'ਚ ਇਕ ਵਿਅਕਤੀ ਦੀ ਮੌਤ ਹੋ ਰਹੀ ਹੈ। ਰਿਪੋਰਟ ਸਿਹਤ ਸੰਭਾਲ, ਲਿੰਗ-ਅਧਾਰਿਤ ਹਿੰਸਾ, ਭੁੱਖਮਰੀ ਅਤੇ ਜਲਵਾਯੂ ਕਾਰਨ ਵਿਸ਼ਵਵਿਆਪੀ ਮੌਤਾਂ 'ਤੇ ਸਿੱਟਾ ਕੱਢਦੀ ਹੈ। ਰਿਪੋਰਟ ਦੇ ਅਨੁਸਾਰ, ਮਹਾਂਮਾਰੀ ਦੇ ਪਹਿਲੇ ਦੋ ਸਾਲਾਂ ਦੌਰਾਨ ਦੁਨੀਆ ਦੇ 10 ਸਭ ਤੋਂ ਅਮੀਰ ਲੋਕਾਂ ਦੀ ਜਾਇਦਾਦ 15,000 ਡਾਲਰ ਪ੍ਰਤੀ ਸਕਿੰਟ ਦੀ ਦਰ ਨਾਲ ਵਧੀ ਹੈ। ਭਾਵੇਂ ਇਹ ਦਸ ਲੋਕ ਆਪਣੀ ਦੌਲਤ ਦਾ 99.999 ਫੀਸਦ ਗੁਆ ਬੈਠਦੇ ਹਨ, ਫਿਰ ਵੀ ਉਹ ਦੁਨੀਆਂ ਦੇ 99 ਫੀਸਦ ਲੋਕਾਂ ਨਾਲੋਂ ਅਮੀਰ ਹੋਣਗੇ।
ਆਕਸਫੈਮ ਇੰਟਰਨੈਸ਼ਨਲ ਦੇ ਕਾਰਜਕਾਰੀ ਨਿਰਦੇਸ਼ਕ ਗੈਬਰੀਏਲਾ ਬੁਚਰ ਨੇ ਕਿਹਾ, "ਦੁਨੀਆ ਦੇ ਚੋਟੀ ਦੇ ਦਸ ਅਮੀਰਾਂ ਕੋਲ ਸਭ ਤੋਂ ਗਰੀਬ 3.1 ਅਰਬ ਲੋਕਾਂ ਨਾਲੋਂ ਛੇ ਗੁਣਾ ਜ਼ਿਆਦਾ ਦੌਲਤ ਹੈ।" ਆਕਸਫੈਮ ਇੰਟਰਨੈਸ਼ਨਲ ਦੇ ਅਨੁਸਾਰ, ਮਹਾਂਮਾਰੀ ਦੇ ਪਿਛਲੇ ਦੋ ਸਾਲਾਂ ਵਿੱਚ ਅਰਬਪਤੀਆਂ ਦੀ ਦੌਲਤ ਵਿੱਚ ਪਿਛਲੇ 14 ਸਾਲਾਂ ਦੇ ਮੁਕਾਬਲੇ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਉੱਥੇ ਹੀ ਦੁਨੀਆ ਦੇ ਦਸ ਸਭ ਤੋਂ ਅਮੀਰ ਲੋਕਾਂ ਦੀ ਮਹਾਂਮਾਰੀ ਦੌਰਾਨ ਅਣਕਿਆਸੀ ਕਮਾਈ ਦਾ 99 ਫੀਸਦ ਇੱਕਮੁਸ਼ਤ ਕਮਾ ਕੇ ਦੁਨੀਆ ਦੇ ਲੋਕਾਂ ਨੂੰ ਕਾਫ਼ੀ ਕੋਰੋਨਾ ਰੋਕਥਾਮ ਟੀਕੇ, ਵਿਸ਼ਵਵਿਆਪੀ ਸਿਹਤ ਦੇਖਭਾਲ ਅਤੇ ਸਮਾਜਿਕ ਸੁਰੱਖਿਆ ਪ੍ਰਦਾਨ ਕਰ ਸਕਦਾ ਹੈ।
ਬੁਚਰ ਨੇ ਇਲਜ਼ਾਮ ਲਗਾਇਆ ਕਿ ਮਹਾਂਮਾਰੀ ਪ੍ਰਤੀ ਵਿਸ਼ਵ ਦੀ ਪ੍ਰਤੀਕਿਰਿਆ ਨੇ ਆਰਥਿਕ ਹਿੰਸਾ, ਖਾਸ ਤੌਰ 'ਤੇ ਨਸਲੀ ਹਿੰਸਾ, ਹਾਸ਼ੀਏ 'ਤੇ ਰੱਖੇ ਲੋਕਾਂ ਅਤੇ ਲਿੰਗ ਦੇ ਅਧਾਰ 'ਤੇ ਹਿੰਸਾ ਨੂੰ ਵਧਾਇਆ ਹੈ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 2020 ਵਿੱਚ ਔਰਤਾਂ ਨੇ ਸਮੂਹਿਕ ਤੌਰ 'ਤੇ 800 ਬਿਲੀਅਨ ਡਾਲਰ ਦੀ ਕਮਾਈ ਦਾ ਨੁਕਸਾਨ ਹੋਇਆ ਹੈ। ਕੋਰੋਨਾ ਤੋਂ ਪਹਿਲਾਂ ਸਾਲ 2019 ਦੇ ਮੁਕਾਬਲੇ ਹੁਣ 1.3 ਕਰੋੜ ਘੱਟ ਔਰਤਾਂ ਕੰਮ ਕਰਦੀਆਂ ਹਨ। ਇਹੀ 252 ਮਰਦਾਂ ਕੋਲ ਅਫ਼ਰੀਕਾ ਅਤੇ ਲਾਤੀਨੀ ਅਮਰੀਕਾ ਅਤੇ ਕੈਰੇਬੀਅਨ ਦੇਸ਼ਾਂ ਦੀਆਂ ਇੱਕ ਅਰਬ ਔਰਤਾਂ ਅਤੇ ਕੁੜੀਆਂ ਦੀ ਕੁੱਲ ਦੌਲਤ ਨਾਲੋਂ ਵੱਧ ਦੌਲਤ ਹੈ।
ਇਹ ਵੀ ਪੜੋ:IMD ਦੀ ਭਵਿੱਖਬਾਣੀ, ਉੱਤਰੀ ਭਾਰਤ ’ਚ ਪੰਜ ਦਿਨਾਂ ਚੱਲਗੇ ਸੀਤ ਲਹਿਰ, ਧੁੰਦ ਦੀ ਵੀ ਸੰਭਾਵਨਾ
