ਦਿਨ ਭਰ ਦਾ ਸਾਰਾ ਕੰਮ ਕਰਨ ਤੋਂ ਬਾਅਦ ਰਾਤ ਨੂੰ ਚੰਗੀ ਨੀਂਦ ਦਾ ਆਉਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਰਾਤ ਨੂੰ ਚੰਗੀ ਨੀਂਦ ਸੌਂਣ ਨਾਲ ਤੁਸੀਂ ਸਵੇਰ ਨੂੰ ਤਾਜ਼ਾ ਮਹਿਸੂਸ ਕਰੋਗੇ। ਪਰ ਅੱਜ ਦੇ ਸਮੇਂ 'ਚ ਲੋਕ ਸਮਾਰਟਫੋਨਾਂ ਦੀ ਜ਼ਿਆਦਾ ਵਰਤੋ ਕਰਦੇ ਹਨ, ਜਿਸਦਾ ਸਿਹਤ 'ਤੇ ਹੀ ਨਹੀਂ ਸਗੋਂ ਰਾਤ ਦੀ ਨੀਂਦ 'ਤੇ ਵੀ ਅਸਰ ਪੈਂਦਾ ਹੈ। ਇਸ ਲਈ ਤੁਸੀਂ ਰਾਤ ਨੂੰ ਚੰਗੀ ਨੀਂਦ ਲੈਣ ਲਈ ਮੋਬਾਈਲ ਤੋਂ ਦੂਰੀ ਬਣਾ ਕੇ ਸੌਂਣ ਤੋਂ ਪਹਿਲਾ ਹਲਦੀ ਵਾਲਾ ਦੁੱਧ ਪੀ ਸਕਦੇ ਹੋ। ਅਜਿਹਾ ਕਰਨ ਨਾਲ ਤੁਹਾਨੂੰ ਚੈਨ ਦੀ ਨੀਂਦ ਆਵੇਗੀ ਅਤੇ ਅਗਲੀ ਸਵੇਰ ਵੀ ਤੁਹਾਡੀ ਵਧੀਆਂ ਰਹੇਗੀ।
ਰਾਤ ਨੂੰ ਪੀਓ ਹਲਦੀ ਵਾਲਾ ਦੁੱਧ
ਰਾਤ ਦੀ ਰੁਟੀਨ ਵਿੱਚ ਇੱਕ ਗਰਮ ਕੱਪ ਹਲਦੀ ਵਾਲੇ ਦੁੱਧ ਨੂੰ ਸ਼ਾਮਲ ਕਰਨਾ ਆਰਾਮਦਾਇਕ ਨੀਂਦ ਲੈਣ ਦਾ ਵਧੀਆਂ ਤਰੀਕਾ ਹੋ ਸਕਦਾ ਹੈ। ਇਸ ਦੇ ਸਾੜ-ਵਿਰੋਧੀ ਅਤੇ ਨੀਂਦ ਨੂੰ ਉਤਸ਼ਾਹਿਤ ਕਰਨ ਵਾਲੀਆਂ ਵਿਸ਼ੇਸ਼ਤਾਵਾਂ ਦੇ ਮਿਸ਼ਰਣ ਨਾਲ ਤੁਹਾਡੀ ਨੀਂਦ ਦੀ ਗੁਣਵੱਤਾ ਨੂੰ ਵਧਾਉਣ 'ਚ ਮਦਦ ਮਿਲੇਗੀ।
ਹਲਦੀ ਵਾਲੇ ਦੁੱਧ ਦੇ ਫਾਇਦੇ
ਹਲਦੀ ਵਿੱਚ ਕਰਕਿਊਮਿਨ ਪਾਇਆ ਜਾਂਦਾ ਹੈ, ਜੋ ਇਸਦੇ ਸ਼ਕਤੀਸ਼ਾਲੀ ਸਾੜ ਵਿਰੋਧੀ ਅਤੇ ਐਂਟੀਆਕਸੀਡੈਂਟ ਪ੍ਰਭਾਵਾਂ ਲਈ ਮਸ਼ਹੂਰ ਹੈ। ਇਹ ਦਰਦ ਨੂੰ ਘਟਾਉਣ, ਸੋਜਸ਼ ਨੂੰ ਘਟਾਉਣ ਅਤੇ ਆਰਾਮ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਇੱਕ ਸ਼ਾਂਤ ਨੀਂਦ ਲਿਆਉਣ 'ਚ ਵੀ ਫਾਇਦੇਮੰਦ ਹੈ।
ਦੁੱਧ ਨੂੰ ਤਿਆਰ ਕਰਨ ਦਾ ਤਰੀਕਾ
ਸੌਣ ਦੇ ਸਮੇਂ ਹਲਦੀ ਵਾਲਾ ਦੁੱਧ ਤਿਆਰ ਕਰਨ ਲਈ ਸਭ ਤੋਂ ਪਹਿਲਾ ਇੱਕ ਕੱਪ ਦੁੱਧ ਨੂੰ ਗਰਮ ਕਰੋ ਅਤੇ ਇਸ 'ਚ ਇੱਕ ਚਮਚ ਹਲਦੀ ਪਾਊਡਰ ਅਤੇ ਅਦਰਕ ਪਾਓ। ਤੁਸੀਂ ਜੋੜਾਂ ਨੂੰ ਲੁਬਰੀਕੇਟ ਕਰਨ ਅਤੇ ਇੱਕ ਸਿਹਤਮੰਦ ਅੰਤੜੀਆਂ ਦੀ ਗਤੀ ਦਾ ਸਮਰਥਨ ਕਰਨ ਲਈ ਇਸ 'ਚ ਘਿਓ ਵੀ ਪਾ ਸਕਦੇ ਹੋ। ਫਿਰ ਇਸ 'ਚ ਸਵਾਦ ਲਈ ਮਿੱਠਾ ਪਾਓ। ਇਸ ਗੱਲ ਦਾ ਧਿਆਨ ਰੱਖੋ ਕਿ ਦੁੱਧ 'ਚ ਜ਼ਿਆਦਾ ਖੰਡ ਨਾ ਪਾਇਆ ਜਾਵੇ। ਜ਼ਿਆਦਾ ਮਿੱਠਾ ਨੁਕਸਾਨਦੇਹ ਵੀ ਹੋ ਸਕਦਾ ਹੈ। ਫਿਰ ਇਸ ਦੁੱਧ ਨੂੰ ਰਾਤ ਦੇ ਸਮੇਂ ਸੌਂਣ ਤੋਂ ਪਹਿਲਾ ਪੀ ਲਓ। ਇਸ ਨਾਲ ਦਿਨ ਭਰ ਦੇ ਤਣਾਅ ਤੋਂ ਛੁਟਕਾਰਾ ਪਾਉਣ ਅਤੇ ਚੰਗੀ ਨੀਂਦ ਲੈਣ 'ਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ:-
