ਮੁੰਬਈ:ਸਕਾਰਾਤਮਕ ਗਲੋਬਲ ਸੰਕੇਤਾਂ ਕਾਰਨ 20 ਅਗਸਤ ਨੂੰ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਖੁੱਲ੍ਹਿਆ। ਬੀਐੱਸਈ 'ਤੇ ਸੈਂਸੈਕਸ 297 ਅੰਕਾਂ ਦੀ ਛਾਲ ਨਾਲ 80,722.54 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.31 ਫੀਸਦੀ ਦੇ ਵਾਧੇ ਨਾਲ 24,648.85 'ਤੇ ਖੁੱਲ੍ਹਿਆ। ਲਗਭਗ 1938 ਸ਼ੇਅਰ ਵਧੇ, 532 ਸ਼ੇਅਰਾਂ ਵਿੱਚ ਗਿਰਾਵਟ ਆਈ ਅਤੇ 118 ਸ਼ੇਅਰਾਂ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ।
ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, BPCL, Hero MotoCorp, TCS, IndusInd Bank ਅਤੇ UltraTech Cement ਨਿਫਟੀ 'ਤੇ ਵਾਧੇ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ, ਜਦਕਿ ONGC, ਭਾਰਤੀ ਏਅਰਟੈੱਲ, Cipla, HCL Tech ਅਤੇ ITC ਘਾਟੇ ਨਾਲ ਕਾਰੋਬਾਰ ਕਰ ਰਹੇ ਹਨ।
ਮੰਗਲਵਾਰ ਦੀ ਮਾਰਕੀਟ : ਕਾਰੋਬਾਰੀ ਹਫਤੇ ਦੇ ਪਹਿਲੇ ਦਿਨ ਸ਼ੇਅਰ ਬਾਜ਼ਾਰ ਫਲੈਟ ਬੰਦ ਹੋਇਆ ਹੈ। ਬੀਐੱਸਈ 'ਤੇ ਸੈਂਸੈਕਸ 12 ਅੰਕਾਂ ਦੀ ਗਿਰਾਵਟ ਨਾਲ 80,424.68 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.15 ਫੀਸਦੀ ਦੇ ਵਾਧੇ ਨਾਲ 24,578.15 'ਤੇ ਬੰਦ ਹੋਇਆ।
ਨਿਫਟੀ 'ਤੇ ਸਭ ਤੋਂ ਵੱਧ ਲਾਭ ਲੈਣ ਵਾਲਿਆਂ ਵਿੱਚ ਹਿੰਡਾਲਕੋ ਇੰਡਸਟਰੀਜ਼, ਬੀਪੀਸੀਐਲ, ਸ਼੍ਰੀਰਾਮ ਫਾਈਨਾਂਸ, ਟਾਟਾ ਸਟੀਲ ਅਤੇ ਐਲਟੀਆਈਮਿੰਡਟਰੀ ਸ਼ਾਮਿਲ ਸਨ, ਜਦੋਂ ਕਿ ਘਾਟੇ ਵਿੱਚ ਐਮਐਂਡਐਮ, ਬਜਾਜ ਆਟੋ, ਐਕਸਿਸ ਬੈਂਕ, ਇੰਡਸਇੰਡ ਬੈਂਕ ਅਤੇ ਐਸਬੀਆਈ ਲਾਈਫ ਇੰਸ਼ੋਰੈਂਸ ਸ਼ਾਮਿਲ ਸਨ।
ਸੈਕਟਰਲ ਮੋਰਚੇ 'ਤੇ ਆਟੋ ਅਤੇ ਬੈਂਕਾਂ ਨੂੰ ਛੱਡ ਕੇ ਹੈਲਥਕੇਅਰ, ਆਈ.ਟੀ., ਧਾਤੂ, ਤੇਲ ਅਤੇ ਗੈਸ, ਬਿਜਲੀ, ਦੂਰਸੰਚਾਰ, ਮੀਡੀਆ ਦੀ ਅਗਵਾਈ ਵਿਚ ਬਾਕੀ ਸਾਰੇ ਸੂਚਕਾਂਕ 0.5-2 ਫੀਸਦੀ ਦੇ ਵਾਧੇ ਨਾਲ ਬੰਦ ਹੋਏ। BSE ਮਿਡਕੈਪ ਇੰਡੈਕਸ 'ਚ 0.6 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ, ਜਦਕਿ ਸਮਾਲਕੈਪ ਇੰਡੈਕਸ 'ਚ 1 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
