Viral Video: ନିୟମକୁ ଫୁ, ରାଜସ୍ଥାନରେ ଖୁଲମଖୁଲା ଗଣ ବାଲ୍ୟ ବିବାହ - ରାଜସ୍ଥାନରେ ଗଣ ବାଲ୍ୟ ବିବାହ

ଆଜମେର: ରାଜସ୍ଥାନର ପୁସ୍କରରେ ଗଣ ବାଲ୍ୟ ବିବାହ । ଏଠାରେ ୫ ଯୋଡା ବରକନ୍ୟାଙ୍କ ହୋଇଛି ବିବାହ । ତେବେ ବିବାହ ସମୟର ୨ ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି । ପ୍ରଥମ ଭିଡିଓରେ ପାଞ୍ଚଯୋଡା ବରକନ୍ୟାଙ୍କ ବିବାହ ହେଉଥିବା ବେଳେ ଅନ୍ୟ ଗୋଟିଏ ଭିଡିଓରେ ବର ସାଜିଥିବା କୁନି ପିଲାଟି ଏତେ ଛୋଟ ଯେ ଠିକସେ ଚାଲି ପାରୁନି । କିନ୍ତୁ ବରର ପିତା ତାଙ୍କୁ କୋଳରେ ନେଇ ବିବାହର ରିତିନୀତି କାର୍ଯ୍ୟ ସମ୍ପନ୍ନ କରୁଛନ୍ତି । ଏହି ଭିଡିଓ ସାମ୍ନାକୁ ଆସିବା ପରେ ବାଲ୍ୟ ବିବାହ ଉପରେ ଶାସନ ଓ ପ୍ରଶାସନର ପ୍ରତିବନ୍ଧକ ସ୍ପଷ୍ଟ ବାରିହେଉଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ରାଜସ୍ଥାନରେ ସର୍ବାଧିକ ବାଲ୍ୟବିବାହ ହେଉଥିବାବେଳେ ତିନି ବର୍ଷ ମଧ୍ୟରେ ରାଜ୍ୟରେ 1216 ମାମଲା ରୁଜୁ ହୋଇଛି । ବାଲ୍ୟ ବିବାହ ବେଆଇନ ଅଟେ । ଇଟିଭି ଭାରତ ବାଲ୍ୟ ବିବାହକୁ ସମର୍ଥନ କରେନାହିଁ ।