ପାଣିରେ ବୁଡ଼ିଲା ମୋ ବସ, ପହଁରି ପହଁରି ବାହାରିଲେ ଯାତ୍ରୀ

ଖୋର୍ଦ୍ଧା: ଲଘୁଚାପ ପ୍ରଭାବରେ ଖୋର୍ଦ୍ଧା ଜିଲ୍ଲାରେ ଲଗାଣ ବର୍ଷା ଦେଖିବାକୁ ମିଳିଛି । ଜଟଣୀ ସ୍ଥିତ ଅଣ୍ଡରଗ୍ରାଉଣ୍ଡରେ ବର୍ଷା ପାଣି ଜମିବା ଫଳରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏହି ସମୟରେ ଜଟଣୀରୁ ଭୁବନେଶ୍ବର ମାଷ୍ଟରକ୍ୟାଣ୍ଟିନ ଅଭିମୁଖେ ଯାଉଥିବା ଏକ ‘ମୋ ବସ’ ପାଣିରେ ବୁଡ଼ିଯାଇଛି । ବସରେ ୯ରୁ ୧୦ ଜଣ ଯାତ୍ରୀଥିଲେ। ତୁରନ୍ତ ସମସ୍ତ ଯାତ୍ରୀମାନଙ୍କୁ ଉଦ୍ଧାର କରାଯାଇଛି । କିଛିଲୋକ ବିପଦଜନକ ଭାବେ ପହଁରି ପହଁରି ବାହାରକୁ ଆସିଥିଲେ । ସେହିପରି ଅଣ୍ଡରଗ୍ରାଉଣ୍ଡ ରାସ୍ତାର ଅନ୍ୟପଟେ ଏକ ଟ୍ରକ ମଧ୍ୟ ଫସି ରହିଥିବା ଦେଖିବାକୁ ମିଳିଛି । ତେବେ ଦୀର୍ଘଦିନ ଧରି ଓଭରବ୍ରିଜ କାମ ସରୁନଥିବା କାରଣରୁ ବାରମ୍ବାର ଏଭଳି ପରିସ୍ଥିତି ସୃଷ୍ଟି ହେଉଛି । ଇଟିଭି ଭାରତ, ଖୋର୍ଦ୍ଧା