Watch Video: ବାଲେଶ୍ଵରରୁ ଗୋରୁ ବୋଝେଇ ଟ୍ରକ ଜବତ, ୭ ଗିରଫ - ଗୋରୁ ବୋଝେଇ ଟ୍ରକ ଜବତ

ବାଲେଶ୍ଵର: ଜଳେଶ୍ବର ଅଞ୍ଚଳରେ ଗୋରୁ ବୋଝେଇ ଟ୍ରକ ଜବତ । ଲଗାତର ଭାବେ ଓଡିଶାରୁ ପଶ୍ଚିମବଙ୍ଗକୁ ଗୋ ଚାଲାଣ ହେଉଥିବାବେଳେ ପୁଣିଥରେ ସକ୍ରିୟ ହେଲେଣି ଗୋରୁ ମାଫିଆ । ତେବେ ଗୋରୁ ଚାଲାଣ ହେଉଥିବା ଖବର ପାଇ ରାଜଘାଟ ନିକଟରେ ଜଳେଶ୍ବର ପୋଲିସ ଯାତାୟତ କରୁଥିବା ସମସ୍ତ ଟ୍ରକ ଯାଞ୍ଚ କରିଥିଲା । ଏହି ସମୟରେ ୩ଟି ୧୨ ଚକିଆ ଟ୍ରକ ଜବତ କରାଯାଇଛି । ଏହି ଟ୍ରକ ଗୁଡ଼ିକରେ ପ୍ରାୟ ୨୦୦ରୁ ଅଧିକ ଗୋରୁ ଚାଲାଣ ହେଉଥିବାବେଳେ ଏଥିରେ ସମ୍ପୃକ୍ତ ୭ଜଣଙ୍କୁ ଗିରଫ କରାଯାଇଥିବା ପୋଲିସ ସୂଚନା ଦେଇଛି ।