ମଶା ନିପାତ ଅଭିଯାନ: କାମ ହିଁ କଥା କହିବ କହିଲେ କଟକ ମେୟର - cuttack mayor reacts on Mosquito Menace

କଟକ: ସିଲଭର ସିଟିରେ ମଶା ହେବେ ନିପାତ । ଅଣ୍ଟା ଭିଡ଼ିଲା କଟକ ମହାନଗର ନିଗମ । ନବ ନିର୍ବାଚିତ ମେୟର ସୁବାସ ସିଂଙ୍କ ଅଧିନରେ ବସିଲା ଗୁରୁତ୍ବପୂର୍ଣ୍ଣ ବୈଠକ । କିପରି ବର୍ଷା ଦିନ ପୂର୍ବରୁ ମଶା ଉତ୍ପାତକୁ ରୋକଯିବା ସେନେଇ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି ସିଏମସି । ପୂର୍ବତନ ମହାନଗର ଚେୟାରମ୍ୟାନ ଏହି ବୈଠକରେ ଉପସ୍ଥିତ ରହି ଏହି ମଶା ନିପାତ ଅଭିଯାନରେ ନିଜର ପକ୍ଷ ରଖିଥିଲେ । ମଶା ତେଲ ଓ ନାଳ ପୋଖରୀକୁ କିପରି ସଫା ରଖାଯିବ ତାହା ଉପରେ ଆଲୋଚନା ହୋଇଥିଲା । ବିଶେଷକରି ଯେଉଁ କର୍ମଚାରୀ ଏହି କାମ କରୁଛନ୍ତି ସେମାନଙ୍କ କାମକୁ ଆହୁରି ତ୍ବରିତ କରାଯିବା ତାହା ଉପରେ ଫୋକସ କରିଥିଲେ ମେୟର । ତେବେ ଏହି ବୈଠକରେ ଗୋଟିଏ ନିଷ୍କର୍ସ ସମ୍ନାକୁ ଆସିଲା ଆଉ ତାହା ହେଉଛି କାମ କଥା କହିବ । କେବଳ କଥାରେ ରହିବନି ଯୋଜନା । ତେଣୁ ଆଜିଠୁ ହିଁ ଏହି ଅଭିଯାନ ଆରମ୍ଭ ହୋଇ ଶୀଘ୍ର ଶେଷ ହେବ ବୋଲି କହିଛନ୍ତି ମେୟର ସୁବାସ ସିଂ । କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ