ଚିତ୍ରଶିଳ୍ପୀ ପ୍ରିୟଙ୍କା ସାହାଣୀଙ୍କ ୪ ଫୁଟର ରାକ୍ଷୀ

ଭୁବନେଶ୍ବର: ରାତି ପାହିଲେ ପରମ୍ପରାର ସୁନ୍ଦର ନିଦର୍ଶନ ରକ୍ଷା ବନ୍ଧନ । ଭାଇ ହାତରେ ରେଶମୀ ରାକ୍ଷୀ ବାନ୍ଧିବ ଭଉଣୀ । ପବିତ୍ର ରାକ୍ଷୀ ପୂର୍ଣ୍ଣମୀ ଅବସରରେ ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ସ୍ବଳ୍ପ ସମୟରେ ତିଆରି କରିଛନ୍ତି ରାକ୍ଷୀ । ସୁତା, ମାଳି ଏବଂ ଏକ୍ରିଲିକ ରଙ୍ଗ ବ୍ୟବହାର କରି ୧୦ଟି ମିନିଚର ରାକ୍ଷୀ ତିଆରି କରିଛନ୍ତି । ଏହାକୁ ତିଆରି କରିବା ପାଇଁ ତାଙ୍କୁ ମାତ୍ର ୪୦ ମିନିଟ ସମୟ ଲାଗିଥିଲା । ରାକ୍ଷୀରେ ସେ ଫୁଲ, ତ୍ରିରଙ୍ଗା, ତିନିଠାକୁର, ନଜର ବଟୁ ଏବଂ ଚତୁର୍ଦ୍ଧାମୂର୍ତ୍ତିଙ୍କୁ ସ୍ଥାନ ଦେଇଛନ୍ତି l ରାକ୍ଷୀ ପୂର୍ଣ୍ଣିମା ବା ଗହ୍ମା ପୂର୍ଣ୍ଣିମା ଦିନ ପ୍ରଭୁ ବଳଭଦ୍ରଙ୍କର ଜନ୍ମଦିନ ପାଇଁ ଏକ ସ୍ବତନ୍ତ୍ର ରାକ୍ଷୀ ପ୍ରସ୍ତୁତ କରିଛନ୍ତି l ଏହାସହ ପେପର ଏଵଂ କାନଭାସରେ ୪ ଫୁଟର ରାକ୍ଷୀ ତିଆରି କରିଛନ୍ତି । ଯାହାକି ବେଶ ଆକର୍ଷଣୀୟ ଦେଖାଯାଉଛି । ଇଟିଭି ଭାରତ, ଭୁବନେଶ୍ବର