କରୋନା ଭୂତାଣୁକୁ ମାରିବ ୟୁଭିସି ଉପକରଣ
ଭୁବନେଶ୍ବର: ସାରା ବିଶ୍ବରେ ମହାମାରୀ କୋରୋନାର ସ୍ଥିତି ଏବେ ଉତ୍କଟ ହେବାରେ ଲାଗିଛି । ଅନେକ ଲୋକଙ୍କର ଜୀବନ ମଧ୍ୟ ଯାଇସାରିଲାଣି । ସେହିଭଳି ଆମ ଦେଶ ତଥା ରାଜ୍ୟରେ ଏହାର ପ୍ରଭାବ ଧୀରେ ଧୀରେ ବୃଦ୍ଧି ପାଉଥିବାବେଳେ ଏହି ଭୂତାଣୁର କବଳରୁ ରକ୍ଷା ପାଇବା ପାଇଁ ସାମାଜିକ ଦୂରତା ସହିତ ମାସ୍କ ପିନ୍ଧିବା ଓ ସାନିଟାଇଜ କରିବା ଅତ୍ୟନ୍ତ ଜରୁରୀ ହୋଇ ପଡିଛି। ତେବେ ଏହା ବ୍ୟତୀତ ଏହି ଭୂତାଣୁର ବିନାଶ ଅତିବାଇଗଣି ରଶ୍ମି ବା ୟୁଭିସି ଦ୍ବାରା ସମ୍ଭବ ହୋଇ ପାରିବ ବୋଲି ବୈଜ୍ଞାନିକମାନେ ପ୍ରକାଶ କରିଛନ୍ତି । ଏହି ରଶ୍ମିଦ୍ବାରା ଏହାର ପ୍ରଭାବକୁ ରୋକା ଯାଇ ପାରିବ ବୋଲି କୁହାଯାଏ । ଆଉ ଭାରତରେ ଏହି ୟୁଭିସିକୁ ବିନିଯୋଗ କରି ଲକ୍ଷ୍ୟ ଟେକ୍ନୋକ୍ରାଟ ପକ୍ଷରୁ ୟୁଭିସି ଲ୍ୟାମ୍ପ, ୟୁଭିସି ବ୍ଲାଷ୍ଟର ଓ ୟୁଭିସି କ୍ୟାବିନେଟ ପ୍ରସ୍ତୁତ କରାଯାଇଛି ।