ବଡଓଷାରେ ବାବା ଧବଳେଶ୍ବରଙ୍କ ବଡସିଂହାର ବେଶ, ଭକ୍ତଙ୍କ ସମାଗମ - କଟକ ଖବର

କଟକ: ବାର ମାସରେ ତେର ପର୍ବ । ଆଉ ସେହି 12 ମାସ ମଧ୍ୟରେ କାର୍ତ୍ତିକ ମାସ ହେଉଛି ଧର୍ମର ମାସ । ଯାହାକୁ ପବିତ୍ର ମାସ ମଧ୍ୟ କୁହାଯାଇଥାଏ । ଏହି ମାସରେ ପଞ୍ଚୁକ ବ୍ରତ ରଖିଥାଏ ବିଶେଷ ମହତ୍ବ । କାରଣ ଏହି ପାଞ୍ଚ ଦିନରେ ଭକ୍ତ ଓ ଶ୍ରଦ୍ଧାଳୁ ପ୍ରଭୁଙ୍କ ଦର୍ଶନ କରି ଅପାର ସାନ୍ନିଧ୍ୟ ଲାଭ କରିଥାଏ । ତେବେ ଏହି ପରିପ୍ରେକ୍ଷୀରେ ଆଜି ବାବା ଧବଳେଶ୍ଵରଙ୍କ ପୀଠରେ ଶତାଧିକ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା । ବାବାଙ୍କର ଟିକିଏ ଦର୍ଶନ ପାଇବା ପାଇଁ ରାଜ୍ୟ ତଥା ରାଜ୍ୟ ବାହାରୁ ଛୁଟିଥିଲା ଭକ୍ତଙ୍କ ସୁଅ । ସେପଟେ ଆଜି ଧବଳେଶ୍ବର ପୀଠରେ ଲାଗି ହୋଇଛି ଗଜ ଭୋଗ ।