କାଳିଆର ପ୍ରିୟ ପିପିଲି ଚାନ୍ଦୁଆ: ନୂଆ ବାଇପାସ ବୁଡାଇଲା ବେଉସା, ସହାୟତା ଅପେକ୍ଷାରେ ଶିଳ୍ପୀ

ପୁରୀ: ଜିଲ୍ଲାର ପିପିଲି ଚାନ୍ଦୁଆ ବିଶ୍ବ ପ୍ରସିଦ୍ଧ । ଦେଶ ବିଦେଶକୁ ପିପିଲିରୁ ଚାନ୍ଦୁଆ ରପ୍ତାନି ହୋଇଥାଏ । ପୁରୀ, କୋଣାର୍କ ବୁଲିବାକୁ ଆସୁଥିବା ପର୍ଯ୍ୟଟକ ପିପିଲି ଚାନ୍ଦୁଆ କିଣିବାକୁ ବିଲକୁଲ ଭୁଲି ନଥାନ୍ତି । ଆଉ ସମୟ ପରିବର୍ତ୍ତନ ସହ ଚାନ୍ଦୁଆ କାରିଗର ନିଜର ଡିଜାଇନରେ ପରିବର୍ତ୍ତନ କରିଛନ୍ତି । ପୂର୍ବରୁ କେବଳ ଚାନ୍ଦୁଆ ତିଆରି ହେଉ ଥିବାବେଳେ ଗ୍ରାହକଙ୍କୁ ଆକୃଷ୍ଟ କରିବା ପାଇଁ କାରିଗର ଏବେ ଚାନ୍ଦୁଆରେ ଡିଜାଇନିଂ ପର୍ସ, ୱାଲ ହ୍ୟାଙ୍ଗିଙ୍ଗ, ଟେବୁଲ କ୍ଲଥ, ଲ୍ୟାମ୍ପେଡ଼ ଝାଲର ଇତ୍ୟାଦି ତିଆରି କରୁଛନ୍ତି ।