କାଗଜ-କଲମରେ ଡିଜିଟାଲ ଇଣ୍ଡିଆ, ମୋବାଇଲ ସେବାରୁ ବଞ୍ଚିତ 3 ହଜାର ଲୋକ
ସମ୍ବଲପୁର: ଟେଲି ଯୋଗାଯୋଗ କ୍ଷେତ୍ରରେ ବର୍ତ୍ତମାନ ଆମ ଦେଶରେ 5ଜି ଟେଲିଫୋନ ସେବା ଲଞ୍ଚ ହେବାକୁ ଯାଉଛି। ତେବେ ଆଜିବି ମୋବାଇଲ କଥା ଦୂରରେ ଥାଉ ଲ୍ୟାଣ୍ଡ ଲାଇନ ସେବା ପାଇଁ ଅନେଇ ବସିଛନ୍ତି 9ଟି ଗାଁର ଲୋକେ। ସମ୍ବଲପୁର ଜିଲ୍ଲାର ରେଢାଖୋଲ ଉପଖଣ୍ଡର 9 ଟି ଗାଁ ଲୋକେ ବର୍ତ୍ତମାନ ଏମିତି ସମସ୍ୟା ଭିତରେ ରହୁଛନ୍ତି । ରେଢାଖୋଲ ଉପଖଣ୍ଡ ମୁଖ୍ୟାଳୟରୁ ମାତ୍ର 25 କିମି ଦୂରତାରେ ଥିବା ବୁର୍ଡା ପଞ୍ଚାୟତର 9ଟି ଗାଁର 3000 ଲୋକଙ୍କ ପାଇଁ ବର୍ତ୍ତମାନ ମଧ୍ୟ ଟେଲିଫୋନ ଆଉ ମୋବାଇଲ ସେବା ସାତ ସପନ ହୋଇ ରହିଛି।