ରାସ୍ତାରେ ଯାଉଥିଲେ ଯୁବକ ହଠାତ୍‌ ଆସିଗଲା ମହାବଳ, ଆଉ ତା ପରେ... - ଉତ୍ତରାଖଣ୍ଡ ଖବର

ଡେରାଡୁନ: ରାସ୍ତାରେ ଚାଲି ଚାଲି ଯାଉଥିଲେ ଜଣେ ଯୁବକ । ଠିକ ଏହି ସମୟରେ ତାଙ୍କ ଆଗରେ ରାସ୍ତା ପାରି ହୋଇ ଜଙ୍ଗଲ ମଧ୍ୟକୁ ଚାଲିଗଲା ମହାବଳ ବାଘ । ଆଉ ସୌଭାଗ୍ୟବଶତଃ ଯୁବକ ଜଣକ ମୃତ୍ୟୁମୁଖରୁ ଅଳ୍ପକେ ବର୍ତ୍ତିଯାଇଛନ୍ତି । ଉତ୍ତରାଖଣ୍ଡ ଜାତୀୟ ରାଜପଥ ୩୦୯ ନିକଟରେ ଗାରଜିଆ ମନ୍ଦିର ନିକଟରେ ଏହି ଭୟଙ୍କର ଦୃଶ୍ୟ ଦେଖିବାକୁ ମିଳିଥିଲା । ଏହି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି । ଗୁରୁବାର ସକାଳେ ଏଭଳି ଘଟଣା ଘଟିଛି । ସୂଚନା ଥାଉ କି ରାମନଗରର ଏହି ଅଞ୍ଚଳରେ ଗ୍ରାମବାସୀ ବାଘ ଓ ଚିତାବାଘର ଆକ୍ରମଣକୁ ଭୟ କରୁଛନ୍ତି । ବନ ବିଭାଗ ଆଗରେ ଏନେଇ ମଧ୍ୟ ଏକ ଚ୍ୟାଲେଞ୍ଜ ସୃଷ୍ଟି ହୋଇଛି । କାରଣ କେବଳ ମଣିଷ ନୁହଁନ୍ତି ବର୍ତ୍ତମାନ ଜଙ୍ଗଲର ରାଜା ମଧ୍ୟ ବିପଦରେ ଅଛନ୍ତି । ଏ ସମ୍ପର୍କରେ ଅଧିକ ସୂଚନା ଦେଇ ରାମନଗର ବନ ବିଭାଗ ଡିଏଫଓ ଦିଗନ୍ତ ନାୟକ କହିଛନ୍ତି ଯେ ଆଜି ଏହି ଭିଡିଓ ପ୍ରସାରିତ ହେଉଛି। ଏହି ଭିଡିଓ ଆଜି ସକାଳ ୭ଟାର । ଗାର୍ଜିଆ ମନ୍ଦିର କମିଟି ଦ୍ବାରା ସ୍ଥାପିତ କ୍ୟାମେରାରେ ଏହି ଭିଡିଓ କଏଦ ହୋଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ