Watch Video: ସାପ କାମୁଡାରୁ ଅଳ୍ପକେ ବର୍ତ୍ତିଲା କୁନି ଝିଅ

ବେଙ୍ଗାଲୁରୁ: ଅନେକ ଛୋଟ ପିଲାଙ୍କ ସାହାସିକତା ଖବର ସାମ୍ନାକୁ ଆସେ । ଉଚିତ ସମୟରେ ଠିକ ବୁଦ୍ଧି ଖଟାଇ ବଡ଼ବଡ଼ ବିପଦକୁ ଟାଳି ଦେଇଥାନ୍ତି । କର୍ଣ୍ଣାଟକ ବେଲଗୌମ ସହର ହଗାଲା ଅଞ୍ଚଳରୁ ଠିକ ଏପରି ଭିଡ଼ିଓ ସାମ୍ନାକୁ ଆସିଛି । ଏକ ଘର ବିଷଧର ସାପ ଆସି କବାଟ ନିକଟରେ ରହିଛି । ଏହି ସମୟରେ କୁନି ଝିଅଟି ଘର ଭିତରକୁ ପ୍ରବେଶ କରିବାକୁ ଯାଉଛି । ହେଲେ କବାଟ ପାଖରେ ଥିବା ସାପକୁ ସେ ଦେଖି ପାରିନଥିଲା । ହଠାତ ସାପଟି ମୁଣ୍ଡ ଟେକିବା ସମୟରେ କୁନି ଝିଅର ନଜର ତା ଉପରେ ପଡ଼ିଥିଲା । ସାପଟି ଦଂଶନ କରିବାକୁ ଉଦ୍ୟମ କରୁଥିବାବେଳେ ଅବିଳମ୍ବେ ନିଜ ବୁଦ୍ଧି ଖଟାଇ  ଘର ଭିତରକୁ ଦୌଡି ପଳାଇଥିଲା । ଏହି ଘଟଣାଟି ସିସିଟିଭିରେ କଏଦ ହୋଇଛି ଏବଂ ଏହାର ଭିଡ଼ିଓଟି ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହି ଦୃଶ୍ୟରେ କୁନି ଝିଅର ସାହାସିକତାକୁ ପ୍ରଶଂସା କରାଯାଇଛି ।