ରୋମାଞ୍ଚକର ଲାକ୍ଷାଦ୍ବୀପ ଗସ୍ତର ଭିଡିଓ ସେୟାର କଲେ ପ୍ରଧାନମନ୍ତ୍ରୀ, ଦେଖନ୍ତୁ

Prime Minister Narendra Modi's Lakshadweep visit; ନୂଆଦିଲ୍ଲୀ:ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ‘ଏକ୍ସ’ ହ୍ୟାଣ୍ଡେଲରେ ଲାକ୍ଷାଦ୍ବୀପ ଗସ୍ତର ଫଟୋ ଓ ଭିଡିଓ ସେୟାର କରିଛନ୍ତି । ଏହି ଗସ୍ତକୁ ଅବିସ୍ମରଣୀୟ ବୋଲି କହିବା ସହ ପ୍ରଧାନମନ୍ତ୍ରୀ ସ୍ଥାନୀୟ ଲୋକଙ୍କର ଆତିଥ୍ୟତା ପାଇଁ ମଧ୍ୟ ଧନ୍ୟବାଦ ଦେଇଛନ୍ତି । ପ୍ରଧାନମନ୍ତ୍ରୀ ଟ୍ବିଟରେ ଲେଖିଛନ୍ତି, ‘‘ନିକଟରେ ମୁଁ ଲକ୍ଷାଦ୍ବୀପ ଗସ୍ତ କରି ସେଠାକାର ଲୋକଙ୍କ ସହ ସମୟ ବିତାଇବାର ଅବସର ପାଇଲି । ଲାକ୍ଷାଦ୍ବୀପର ଚମତ୍କାର ସୌନ୍ଦର୍ଯ୍ୟ ଏବଂ ସେଠାକାର ଲୋକମାନଙ୍କ ମଧ୍ୟରେ ଥିବା ଅବିଶ୍ୱାସନୀୟ ଉତ୍ସାହ ଦ୍ୱାରା ମୁଁ ବିସ୍ମିତ । ଆଗତୀ, ବଙ୍ଗରାମ ଓ କବାରତୀରେ ଲୋକଙ୍କ ସହ ବାର୍ତ୍ତାଳାପ କରିବାର ସୁଯୋଗ ମିଳିଲା । ଆତିଥ୍ୟ ପାଇଁ ମୁଁ ଏହି ଦ୍ୱୀପପୁଞ୍ଜ ଲୋକଙ୍କୁ ଧନ୍ୟବାଦ ଦେଉଛି । ଆକାଶମାର୍ଗରୁ ଲାକ୍ଷାଦ୍ବୀପର କିଛି ଝଲକ...’’ ସେହିପରି କାର୍ଯ୍ୟକ୍ରମରେ ଅଂଶଗ୍ରହଣ ଓ ଲାକ୍ଷାଦ୍ବୀପର ପ୍ରାକୃତିକ ପରିବେଶକୁ ଉପକ୍ଷୋଗ କରିବା ଓ ସମୁଦ୍ରରେ ସ୍କୁବା ଡାଇଭିଂ ପରି ରୋମାଞ୍ଚକର କାର୍ଯ୍ୟରେ ଅଂଶଗ୍ରହଣ କରିବା ଇତ୍ୟାଦିର ଭିଡିଓ ମଧ୍ୟ ସେ ନିଜ ‘ଏକ୍ସ’ ହ୍ୟାଣ୍ଡେଲରେ ସେୟାର କରିଛନ୍ତି । ଦେଖନ୍ତୁ