କାର୍ ଧକ୍କାରେ ଉଡିଗଲା ବିଦ୍ୟୁତ ଖୁଣ୍ଟ, ଭିଡିଓ ଭାଇରାଲ

ପାଟନା:ଦ୍ରୁତ ଗତିରେ ଆସି ବିଦ୍ୟୁତ ଖୁଣ୍ଟକୁ ଧକ୍କା ଦେଲା କାର । କାର ଧକ୍କାରେ ଉପୁଡି ପଡିଲା ବିଦ୍ୟୁତ ଖୁଣ୍ଟ । ବିହାର ବକ୍ସର ଜିଲ୍ଲାର ଅମଲା ଟୋଲା ଅଞ୍ଚଳରେ ଘଟିଛି ଏପରି ଘଟଣା । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ହଠାତ କାରଟି କ୍ଷୀପ୍ର ବେଗରେ ଆସି ବିଦ୍ୟୁତ ଖୁଣ୍ଟକୁ ଧକ୍କା ଦେଇଥିଲା । ଏହାପରେ ଖୁଣ୍ଟଟି ଉପୁଡି ପଡିଥିବା ବେଳେ କାରଟି ଘଟଣାସ୍ଥଳରୁ ପଳାଇଥିଲା । କିନ୍ତୁ ଏଥିରେ ଗାଡିଟିର କିଛି କ୍ଷୟକ୍ଷତି ହୋଇନଥିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସିସିଟିଭି ଫୁଟେଜେରେ ରେକର୍ଡ ହୋଇଥିବା ଏହି ଭିଡିଓ କୌଣସି ଫିଲ୍ମ ଠାରୁ କମ ନୁହଁ ବୋଲି କହିଛନ୍ତି ସ୍ଥାନୀୟ ଲୋକେ । ଏହି ଘଟଣା ନେଇ ଥାନାରେ କୌଣସି ଅଭିଯୋଗ ହୋଇନଥିବା ବେଳେ ସିସିଟିଭି ଫୁଟେଜ ମଧ୍ୟ ପୋଲିସକୁ  କେହି ଦେଇନଥିବା ସିଟି ପୋଲିସ ଷ୍ଟେସନ ଇନଚାର୍ଜ କହିଛନ୍ତି ।  

ଇଟିଭି ଭାରତ, ବ୍ୟୁରୋ ରିପୋର୍ଟ