ଥମୁନି ହାତୀ ମୃତ୍ୟୁ; ହାତୀଦାନ୍ତ ସହିତ ଦୁଇ ଗିରଫ

କେନ୍ଦୁଝର : କେନ୍ଦୁଝର ଜିଲ୍ଲାରେ ହାତୀ ମୃତ୍ୟୁ ଥମିବାର ନାଁ ନେଉ ନଥିଲା ବେଳେ ହାତୀ ଦାନ୍ତ ଚୋରା ଚାଲାଣ ମଧ୍ୟ ବନ୍ଦ ହେଉନାହିଁ । ଏହି ହାତୀ ଦାନ୍ତ ଚୋରା ଚାଲାଣ ହେଉଥିବା ବେଳେ ଆନନ୍ଦପୁର ବନ ବିଭାଗକୁ ମିଳିଛି ବଡ ସଫଳତା । ଚୋରା ଚାଲାଣ କରୁଥିବା ବେଳେ ହାତୀଦାନ୍ତ ବ୍ୟବସାୟୀକୁ ଟ୍ରାପ୍ କରି ମହୁଲଡିହା ଥାନା ସାତକୋଶିଆ ଅଞ୍ଚଳରୁ ୨ଟି ହାତୀଦାନ୍ତ ଜବତ କରିଛି ବନ ବିଭାଗ । ଏହା ସହ ୨ଜଣଙ୍କୁ ଗିରଫ କରିବାରେ ସଫଳ ହୋଇଛି ବନବିଭାଗ । ସାତକୋଶିଆ ଗାଁରେ ଜଣଙ୍କ ଘରେ ହାତୀଦାନ୍ତ ରହିଥିବା ବିଶ୍ଵସ୍ତ ସୂତ୍ରରୁ ଖବର ପାଇ ଚଢାଉ ପରେ ଏହି ସଫଳତା ମିଳିଥିବା କହିଛନ୍ତି ଆନନ୍ଦପୁର ବନାଞ୍ଚଳର ବନବିଭାଗ ଅଧିକାରୀ ।

ଏହା ମଧ୍ୟ ପଢନ୍ତୁ ....ଥମିବାର ନାଁ ନେଉନି ହାତୀ ମୃତ୍ୟୁ, ସଚେତନତାରେ ସୀମିତ ଜଙ୍ଗଲ ବିଭାଗ

ଗିରଫ ଅଭିଯୁକ୍ତ ହୋଇଥିବା ଦୁଇ ଜଣ ହେଲେ ସାତକୋଶିଆ ଗାଁର ବାବୁଲି ହାଇବୃ ଓ ଆନନ୍ଦପୁର ଥାନା ସୁନ୍ଦୁରୀଆ ଗାଁର କାଳନ୍ଦୀ ଶଙ୍ଖୁଆଳ ବୋଲି ଜଣାପଡିଛି । ଗିରଫ ପରେ ହାତୀ ଦାନ୍ତ କେଉଁଠୁ ଆସିଥିଲା ଏହା ପଛରେ କୌଣସି ରାକେଟ କାମକରୁଛି କି ସେ ନେଇ ଉଭୟଙ୍କୁ ଅଧିକ ପଚରାଉଚରା ଜାରି ରଖିଛି ଵନ ବିଭାଗ । ଦୁଇ ଜଣକୁ ପଚରାଉଚୁରା ପରେ କୋର୍ଟ ଚାଲାଣ କରିଛି ବନ ବିଭାଗ ।

ଇଟିଭି ଭାରତ,କେନ୍ଦୁଝର