ଛାତ୍ର ବ୍ୟାଗରୁ ବହି ବଦଳରେ ବାହାରିଲା ବିଷଧର ସାପ, ଭିଡିଓ ଭାଇରାଲ - ଛାତ୍ର ବ୍ୟାଗରୁ ବହି ବଦଳରେ ବାହାରିଲା ବିଷଧର ସାପ

ଭୋପାଳ: ଦଶମ ଶ୍ରେଣୀ ଛାତ୍ରଙ୍କ ବ୍ୟାଗରୁ ବାହାରିଲା ବିଷଧର ସାପ । ଯେତେବେଳେ ଛାତ୍ର ଜଣକ ବହି ବାହାର କରିବାକୁ ବ୍ୟାଗ ଖୋଲିଥିଲେ ସେତେବେଳେ ବ୍ୟାଗ ମଧ୍ୟରେ ନାଗୁଣୀ ଥିବା ଜାଣିବାକୁ ପାଇଥିଲେ । ସବୁଠୁ ବଡ଼ କଥା ହେଉଛି ଛାତ୍ର ଜଣକ ଘରୁ କାନ୍ଧରେ ବ୍ୟାଗ ପକାଇ ସ୍କୁଲ ପର୍ଯ୍ୟନ୍ତ ଆସିଥିଲେ । ବ୍ୟାଗରେ ସାପ ଥିବା ଜାଣି ସ୍କୁଲରେ ଭୟର ବାତାବରଣ ଖେଳିଯାଇଥିବା ବେଳେ ଶିକ୍ଷକ ବ୍ୟାଗକୁ ତୁରନ୍ତ ବାହାର କରି ଆଣି ବାହାରେ ସାପଟିକୁ ବାହାର କରିଥିଲେ । ସୌଭାଗ୍ୟବଶତଃ ଛାତ୍ରର କୌଣସି କ୍ଷତି ଘଟିନାହିଁ । ତେବେ ମଧ୍ୟପ୍ରଦେଶ ଶିବପୁରୀ ଜିଲ୍ଲା ବଡୌନୀ ସ୍କୁଲରେ ଏପରି ଭୟଙ୍କର ଘଟଣା ଘଟିଛି ।