ମହୁଆଙ୍କ ବହିଷ୍କାର ଉପରେ ମନ୍ତ୍ରୀ ପ୍ରହଲ୍ଲାଦ ଯୋଶୀଙ୍କ ପ୍ରତିକ୍ରିୟା, 2005ରେ ବହିଷ୍କୃତ ହୋଇଥିଲେ 10 ସାଂସଦ - TMC MP Mahua Moitra

ନୂଆଦିଲ୍ଲୀ: ଟିଏମସି ସାଂସଦ ମହୁଆ ମୋଇତ୍ରାଙ୍କୁ ଲୋକସଭାରୁ ବହିଷ୍କାର କରାଯିବାକୁ ନେଇ ରାଜନୈତିକ ମହଲରେ ପ୍ରକାଶ ପାଇଛି ଭିନ୍ନ ଭିନ୍ନ ପ୍ରତିକ୍ରିୟା । ବିରୋଧୀ ସଦସ୍ୟମାନେ ମହୁଆ ମୋଇତ୍ରାଙ୍କ ବିରୋଧରେ ନିଆଯାଇଥିବା କାର୍ଯ୍ୟାନୁଷ୍ଠାନକୁ ସମାଲୋଚନା କରିଥିବା ବେଳେ, ସରକାରୀ ଦଳ ପକ୍ଷରୁ ପକ୍ଷ ରଖିଛନ୍ତି କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ । କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ କହିଛନ୍ତି ଯେ, ସାଂସଦଙ୍କୁ ବହିଷ୍କାର କରାଯିବା ଘଟଣା, ସଂସଦୀୟ ଇତିହାସରେ କିଛି ନୂଆ ନୁହେଁ । 2005ରେ ମଧ୍ଯ ଏଭଳି ଘଟଣା ଘଟିଥିଲା । 2005 ମସିହାରେ ଷ୍ଟିଙ୍ଗ ଅପରେସନ ମାମଲାରେ 10 ଜଣ ସାଂସଦଙ୍କୁ ବହିଷ୍କାର କରାଯାଇଥିଲା । ସେ ସମୟରେ ମଧ୍ଯ ଏଥିକ୍ସ କମିଟି ବା ସଦାଚାର କମିଟି ରିପୋର୍ଟ ଅନୁସାରେ ଗୋଟିଏ ଦିନରେ ରିପୋର୍ଟ ଦାଖଲ ସହ ସେହି ଦିନ ହିଁ କାର୍ଯ୍ଯାନୁଷ୍ଠାନ ନିଆଯାଇଥିଲା । ସୂଚନା ଅନୁସାରେ 2005ରେ ବହିଷ୍କୃତ ହୋଇଥିବା ହୋଇଥିବା 10 ସାଂସଦମାନଙ୍କ ମଧ୍ୟରେ ଥିଲେ କଂଗ୍ରେସ, ବିଜେପି ଏବଂ ଆରଜେଡି ସମେତ ବିଭିନ୍ନ ଦଳର  ସାଂସଦ। 

ବ୍ୟୁରୋ ରିପୋର୍ଟ, ଇଟିଭି ଭାରତ