ପେଟ୍ରୋଲ ଟ୍ୟାଙ୍କର ଦୁର୍ଘଟଣା ଗ୍ରସ୍ତ, ଡ୍ରାଇଭର ଗୁରୁତର

ଭବାନୀପାଟଣା: ପେଟ୍ରୋଲ ଟ୍ୟାଙ୍କର ଦୁର୍ଘଟଣା ଗ୍ରସ୍ତ  । ଭାରସାମ୍ୟ ହରାଇ ଓଲଟିଲା ପେଟ୍ରୋଲ ଟ୍ୟାଙ୍କର । ଏଭଳି ଘଟଣା ଘଟିଛି କଳାହାଣ୍ଡି ଜିଲ୍ଲା ଜୁନାଗଡ଼ ଜାତୀୟ ରାଜପଥ ୨୬ ସଦର ଥାନା ଅନ୍ତର୍ଗତ ଗୋବରା ଛକ ନିକଟରେ । ଏନେଇ ଗୁରୁତର ଅବସ୍ଥାରେ ଡ୍ରାଇଭର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ଜଣାପଡିଛି  । ସୂଚନା ଅନୁଯାୟୀ,  ପାରାଦୀପ ରୁ ମାଲକାନଗିରି ଅଭିମୁଖେ ଯାଉଥିବା ପେଟ୍ରୋଲ ଟ୍ୟାଙ୍କର ଗୋବରା ଛକ ନିକଟରେ ଭାରସାମ୍ୟ ହରାଇ ପାଣି ପାଇପରେ ପିଟି ହେବା ପରେ ଓଲଟି ପଡ଼ିଥିଲା। ଫଳରେ ଟ୍ୟାଙ୍କରରେ ଥିବା ପେଟ୍ରୋଲ ବାହାରିବା ପରେ ସ୍ଥାନୀୟ ଲୋକେ ଏନେଇ ସଦର ଥାନା ପୋଲିସକୁ ଜଣାଇଥିଲେ ।ଖବର ପାଇ ପୋଲିସ ଓ ଅଗ୍ନିଶମ ବିଭାଗ   ଘଟଣା ସ୍ଥଳରେ ପହଞ୍ଚି ଗୁରୁତର ଡ୍ରାଇଭରକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ବର୍ତ୍ତମାନ ସୁଦ୍ଧା ସଂପୃକ୍ତ ଟ୍ୟାଙ୍କରରେ ଥିବା ହେଲ୍ପର କୌଣସି ପତ୍ତା ମିଳିନାହିଁ। ସେପଟେ ଦୁର୍ଘଟଣାସ୍ଥଳରେ ବିପଦ ଥିବା ନେଇ  ଜାତୀୟ ରାଜପଥକୁ ଗାଡି ଚଳାଚଳ ବନ୍ଦ କରିଛି ପୋଲିସ  । ଫଳରେ ଅନେକ ଯାନବାହାନ ଅଟକି ରହିଥିବା ସୂଚନା ମିଳିଛି ।

  ଏହା ମଧ୍ୟ ପଢନ୍ତୁ-ଚଳନ୍ତା ବସରୁ ଖସି କଣ୍ଡକ୍ଟରଙ୍କ ମୃତ୍ୟୁ, ଭିଡିଓ ଭାଇରାଲ

ଇଟିଭି ଭାରତ, କଳାହାଣ୍ଡି