ସମ୍ବଲପୁରରେ ଫୁଟିଲା ଗୁଳି, ଅଳ୍ପକେ ବର୍ତ୍ତିଲେ ବ୍ୟବସାୟୀ

ସମ୍ବଲପୁର:ସମ୍ବଲପୁରର କ୍ଷେତରାଜପୁର ଥାନା ଅନ୍ତର୍ଗତ ପୋଦାର କଲୋନୀରେ ଗୁଳିକାଣ୍ଡ l ବ୍ୟବସାୟୀଙ୍କ ଉପରକୁ ଜଣେ ଦୁର୍ବୃତ୍ତ ୫ ରାଉଣ୍ଡ ଗୁଳିମାଡ଼ କରିଥିବା ଅଭିଯୋଗ । ତେବେ କ୍ଷେତରାଜପୁର ଥାନା ଅନ୍ତର୍ଗତ ପୋଦାରକଲୋନୀ ଜୈନ ପରିବାରର ଜଣେ ଡାଲି ବ୍ୟବସାୟୀଙ୍କ ଉପରକୁ ଗୁଳିମାଡ଼ ହୋଇଛି l ହେଲେ ଗୁଳି ଲକ୍ଷ୍ୟ ବିଚ୍ୟୁତି ହେବାରୁ ଅଳ୍ପକେ ବର୍ତ୍ତିଛନ୍ତି ବ୍ୟବସାୟୀ । ଭୟଭୀତ କରାଇବା ପାଇଁ ଅଥବା କେଉଁ କାରଣ ପାଇଁ ଏହି ଗୁଳି ଚାଲନା କରାଯାଇଛି ତାହା ସ୍ପଷ୍ଟ ହୋଇ ନାହିଁ । ଖବରପାଇ ଘଟଣାସ୍ଥଳରେ କ୍ଷେତରାଜପୁର ପୋଲିସ ଟିମ ପହଞ୍ଚି ତଦନ୍ତ ଆରମ୍ଭ କରିଛି  । ପୋଦାର କଲୋନୀର ଜୈନ ପରିବାରର ଜଣେ ସଦସ୍ୟ ଗତକାଲି ରାତି ପ୍ରାୟ 8ଟା ସମୟରେ ଏକ ବ୍ୟାଗରେ ପନିପରିବା ଆଣି ନିଜ ଘରକୁ ଯାଉଥିବା ବେଳେ ତାଙ୍କ ଉପରଙ୍କୁ ଗୁଲିମାଡ ହୋଇଥିଲା । ତେବେ ସିସିଟିଭି ଆଧାରରେ ପୋଲିସ ତଦନ୍ତ ଜାରି ରଖିଛି ।

ଏହା ମଧ୍ୟ ପଢନ୍ତୁ- ପୂର୍ବ ଶତ୍ରୁତାରୁ ବିଶ୍ରାରେ ଫୁଟିଲା ଗୁଳି ! ଯୁବକ ଗୁରୁତର

ଇଟିଭି ଭାରତ,ସମ୍ବଲପୁର