ମହାରାଷ୍ଟ୍ରର ଦୁଇଟି ସ୍ଥାନରେ ବସରେ ଅଗ୍ନିକାଣ୍ଡ, ଅଳ୍ପକେ ବର୍ତ୍ତିଲେ ଯାତ୍ରୀ

ମୁମ୍ବାଇ: ମହାରାଷ୍ଟ୍ରର ଦୁଇଟି ସ୍ଥାନରେ ବସରେ ଅଗ୍ନିକାଣ୍ଡ । ଦୁଇଟି ଦୁର୍ଘଟଣାରେ ଅଳ୍ପକେ ବର୍ତ୍ତି ଯାଇଛନ୍ତି ଯାତ୍ରୀ । ପୁନେର ଶାସ୍ତ୍ରୀ ନଗର ଅଞ୍ଚଳରେ ପ୍ରଥମ ଘଟଣା ଘଟିଛି । ଏଠାରେ ଏକ ଘରୋଇ ବସ୍‌ରେ ଅଚାନକ ନିଆଁ ଲାଗି ଯାଇଥିଲା । ତେବେ ଚାଳକଙ୍କ ଉପସ୍ଥିତ ବୁଦ୍ଧି ଖର୍ଚ୍ଚ କରି ଗାଡିଟିକୁ ରାସ୍ତାକଡ଼ରେ ଠିଆ କରି ଦେଇଥିଲେ । ଫଳରେ ୪୨ ଜଣ ଯାତ୍ରୀଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି । ଅନ୍ୟ ଏକ ବସ୍‌ ଅଗ୍ନିକାଣ୍ଡ ଅମରାବତୀ ଜିଲ୍ଲା ପିମ୍ପଲବିହିର ଇଲାକାରେ ଘଟିଛି । ଏଠାରେ ଏକ ସରକାରୀ ଯାତ୍ରୀବାହୀ ବସ୍‌ରେ ଅଚାନକ ନିଆଁ ଲାଗିଯାଇଥିଲା । ତେବେ ଅଳ୍ପକେ ନିଜ ଜୀବନ ବଞ୍ଚାଇଛନ୍ତି ୩୫ ଜଣ ଯାତ୍ରୀ । ଉଭୟ ଘଟଣାର ସୂଚନା ପାଇବା ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଉଭୟ ବସ୍‌ର ୯୦ ଭାଗରୁ ଅଧିକ ଅଂଶ ଜଳି ଯାଇଛି । ଦେଖନ୍ତୁ ଭିଡିଓ