G20 Dinner: ଭାରତୀୟ ଆଭୂଷଣରେ ଆସିଲେ ଜାପାନ ପ୍ରଧାନମନ୍ତ୍ରୀଙ୍କ ପତ୍ନୀ

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ବାରା ଆୟୋଜିତ ନୈଶ୍ୟ ଭୋଜିକୁ ଶାଢୀ ପରିଧାନ କରି ପୁରା ଭାରତୀୟ ବେଶ ପୋଷାକରେ ଆସିଲେ ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କ ପତ୍ନୀ ୟୁକୋ  କିଶିଦା । ଜି20 ଶିଖର ସମ୍ମିଳନୀର  ପ୍ରଥମ ଦିନ ଶେଷ ହେବା ପରେ  ବିଦେଶୀ ଅତିଥୀଙ୍କ ସମେତ କେନ୍ଦ୍ରମନ୍ତ୍ରୀ ମଣ୍ଡଳ ଓ ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସମ୍ମାନାର୍ଥେ ରାଷ୍ଟ୍ରପତି ଭାରତ ମଣ୍ଡପମରେ ଏକ ନୈଶ୍ୟ ଭୋଜିର ଆୟୋଜନ କରିଛନ୍ତି । ନୈଶ୍ୟ ଭୋଜିରେ ସମସ୍ତ ବିଦେଶୀ ଅତିଥୀଙ୍କ ସମେତ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀ ଓ ବହୁ ବିଶିଷ୍ଟ ବ୍ୟକ୍ତି ସାମିଲ ହୋଇଛନ୍ତି ।  ନୈଶ୍ୟ ଭୋଜି ପାଇଁ ସଂଧ୍ୟା 7 ଟାରୁ ଭାରତ ମଣ୍ଡପମକୁ ଅତିଥୀଙ୍କ ଆଗମନ ଆରମ୍ଭ ହୋଇଥିଲା। ନୈଶ୍ୟ ଭୋଜି ସ୍ଥଳୀ ପ୍ରବେଶ ପଥରେ ନିଜେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଉପସ୍ଥିତ ରହି ସମସ୍ତ ଅତିଥୀଙ୍କୁ ସ୍ବାଗତ କରୁଛନ୍ତି । ଏହାସହ ପ୍ରଧାନମନ୍ତ୍ରୀ ମୋଦି ମଧ୍ୟ ରାଷ୍ଟ୍ରପତିଙ୍କ ସହ ରହି ଅତିଥୀଙ୍କୁ ସ୍ବାଗତ କରୁଛନ୍ତି । ତେବେ ଏହି ନୈଶ୍ୟ ଭୋଜିରେ ସାମିଲ ହୋଇଥିବା ଜାପାନ ପ୍ରଧାନମନ୍ତ୍ରୀଙ୍କ ପତ୍ନୀ ଭାରତୀୟ ଆଭୂଷଣରେ ଆସିଛନ୍ତି  । ଦେଖନ୍ତୁ ଭିଡିଓ