ଗାଁରେ ପଶିଲେ ହାତୀ, ଭାଙ୍ଗିଲେ ଘର

ବାଲେଶ୍ବର: ଖାଦ୍ୟ ଅନ୍ୱେଷଣରେ ଏବେ ଗାଁ ମୁହାଁ କୁଳଡିହା ହାତୀ । ହାତୀଙ୍କ ଉପଦ୍ରଵ ଯୋଗୁଁ ଚିନ୍ତାରେ ଗ୍ରାମବାସୀ। ବର୍ଷକ ଯାକ ଅମଳ କରିଥିବା ଧାନ ଖାଇ ଦେଉଥିବା ବେଳେ ଅଳ୍ପ ଅଳ୍ପକେ ମୃତ୍ୟୁ ମୁଖରୁ ବଞ୍ଚୁଛି ଜୀବନ। ଘର ବାରଣ୍ଡାରେ ଥିବା ଧାନ ଅଖାରୁ ଧାନ ଖାଇବା ସହିତ ହାତୀ କରୁଛନ୍ତି ବ୍ୟାପକ ଉପଦ୍ରବ।ସନ୍ଧ୍ୟା ହେଲେ ଗାଁରେ ପଡୁଛି ତାଟି କବାଟ। ବନ ବିଭାଗର ପେଟ୍ରୋଲିଂ ହେଉ ନ ଥିବା ଅଭିଯୋଗ ହୋଇଛି। ବାଲେଶ୍ୱର ଜିଲ୍ଲା କୁଲଡିହା ଅଭୟାରଣ୍ୟ ପାଦ ଦେଶରେ ଥିବା ଯୁଣିଆ ଗାଁରେ ବିଳମ୍ବିତ ରାତିରେ ହାତୀ ଆତଙ୍କ ଦେଖା ଦେଇଛି। ଗାଁ ର ଗୀତାଞ୍ଜଳି ନାୟକ ଘରେ ପିଲା ଛୁଆ ଙ୍କ ସହିତ ଖାଉଥିବା ସମୟରେ ହାତୀ ପଛପଟୁ ଘର ଭାଙ୍ଗି ଥିଲା ଅଳ୍ପକେ ମା ଛୁଆ ଦଉଡି ପଳାଇଥିଲେ।ବାରମ୍ୱାର ବନ ବିଭାଗକୁ କହିବା ପରେ ମଧ୍ୟ ଅଞ୍ଚଳରେ ପେଟ୍ରୋଲିଂ ହେଉନଥିବା ଅଭିଯୋଗ କରିଛନ୍ତି ଲୋକେ। ଇଟିଭି ଭାରତ, ବାଲେଶ୍ବର