ଜର୍ସି ନଂ ୭ ଅବସରକୁ ସ୍ବାଗତ କଲେ କ୍ରିକେଟ୍ ସମୀକ୍ଷକ, କହିଲେ ଧୋନୀଙ୍କ ପ୍ରତି ଏହା ଉଚିତ୍ ସମ୍ମାନ - ପୂର୍ବତନ କ୍ରିକେଟର ପବନ ଅଗ୍ରୱାଲ
Published : Dec 15, 2023, 4:39 PM IST
କଟକ: ଭାରତୀୟ କ୍ରିକେଟ୍ ଦଳର ସଫଳତମ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ବିସିସିଆଇର ସମ୍ମାନ । ଏମ୍ଏସ୍ ଧୋନୀ ଧୋନୀଙ୍କ ଜର୍ସି ନମ୍ବର ୭କୁ ଭାରତୀୟ କ୍ରିକେଟ୍ରୁ ଅବସର ଦେଲା ବିସିସିଆଇ । ଭାରତୀୟ କ୍ରିକେଟ୍ ପ୍ରତି ଧୋନୀଙ୍କ ଅବଦାନକୁ ସମ୍ମାନ ଜଣାଇ ଏଭଳି ନିଷ୍ପତ୍ତି ନେଇଛି ବିସିସିଆଇ । ଅର୍ଥାତ ଏବେ କୌଣସି କ୍ରିକେଟର ୭ ନମ୍ବର ଜର୍ସି ପିନ୍ଧି ଆଉ ଭାରତ ପାଇଁ ମ୍ୟାଚ୍ ଖେଳି ପାରିବେନି । ତେବେ ବିସିସିଆଇର ଏଭଳି ନିଷ୍ପତ୍ତିକୁ ସ୍ବାଗତ କରିଛନ୍ତି କ୍ରିକେଟ୍ ସମୀକ୍ଷକ । ଖୁବଶୀଘ୍ର ବିରାଟ କୋହଲି ଓ ରୋହିତ ଶର୍ମାଙ୍କ ଜର୍ସି ନମ୍ବରକୁ ମଧ୍ୟ ବିସିସିଆଇ ଅବସର ଦେଇପାରେ ବୋଲି ଆକଳନ କରିଛନ୍ତି ପୂର୍ବତନ କ୍ରିକେଟର ପବନ ଅଗ୍ରୱାଲ । ଏହାଦ୍ବାରା ଭବିଷ୍ୟତରେ ନୂଆପିଢ଼ିର ଖେଳାଳିଙ୍କୁ ଅଧିକରୁ ଅଧିକ ପ୍ରେରଣା ମିଳିବ ବୋଲି ସେ ଆଶା କରିଛନ୍ତି । ସେହିଭଳି କେବଳ ଭାରତ ନୁହେଁ, ବରଂ ସାରା ବିଶ୍ବରେ କ୍ରିକେଟ୍କୁ ଏକ ନୂଆ ପରିଚୟ ଦେଇଥିବା କିଙ୍ଗ୍ କୋହଲିଙ୍କ ଜର୍ସିକୁ ଅବସର ଦିଆଗଲେ, ହୁଏତ ଭାରତୀୟ କ୍ରିକେଟ ବୋର୍ଡ ସାରା ବିଶ୍ବ ପାଇଁ ଏକ ଉଦାହରଣ ସୃଷ୍ଟି କରିବ ବୋଲି ମତ ରଖିଛନ୍ତି କ୍ରିକେଟ୍ ସମୀକ୍ଷକ ପବନ ଅଗ୍ରୱାଲ ।
ଏହା ମଧ୍ୟ ପଢ଼ନ୍ତୁ...ଅବସର ନେଲା ଜର୍ସି ନମ୍ବର 7, ମାହିଙ୍କ ଜର୍ସି ପିନ୍ଧି ପାରିବେନି ଖେଳାଳି
ଇଟିଭି ଭାରତ, କଟକ