Cracks in houses near Tehri Lake: ଉତ୍ତରାଖଣ୍ଡର ଟିହରି ଗାଁରେ ଯୋଶୀମଠ ଭଳି ପରିସ୍ଥିତି, ଭୟଭୀତ ଲୋକେ

ଡେରାଡୁନ: ଉତ୍ତରାଖଣ୍ଡର ଯୋଶୀମଠ (Joshimath landslide) ଭଳି ସ୍ଥିତି ଏବେ ଟିହରି ଡ୍ୟାମ ନିକଟରେ ଥିବା ଗାଁରେ ମଧ୍ୟ ଦେଖିବାକୁ ମିଳିଛି (Tehri Dam Affected Village) । ଏଠାରେ ସ୍ଥାନୀୟ ଲୋକଙ୍କ ଘର ମଧ୍ୟରେ ଫାଟ ସୃଷ୍ଟି ହୋଇଥିବା ବେଳେ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ଏ ନେଇ ଲୋକେ ସ୍ଥାନୀୟ ପ୍ରଶାସନକୁ ଅବଗତ ମଧ୍ୟ କରାଇଛନ୍ତି । ମାତ୍ର ଏବେ କେହି କର୍ଣ୍ଣପାତ କରୁନାହାନ୍ତି । ତେବେ ଯୋଶୀମଠ ଭଳି ବଡ଼ ବିପଦ ସୃଷ୍ଟି ହେବା ପରେ ପ୍ରଶାସନ ଚେଇଁ ଉଠିବ ବୋଲି ଲୋକେ ଅଭିଯୋଗ ଆଣିଛନ୍ତି । ଅନ୍ୟପଟେ ଘରେ ଏପରି ଫାଟ ସୃଷ୍ଟି ହେବା ପରେ ସ୍ଥାନୀୟ ଲୋକେ ବେଶ ଚିନ୍ତିତ ରହିଛନ୍ତି ।