ବେଙ୍ଗାଲୁରୁରେ ଜାରି ରହିଛି କଂଗ୍ରେସ ବିଧାୟକ ଦଳ ବୈଠକ, ଦେଖନ୍ତୁ ଭିଡିଓ

ବେଙ୍ଗାଲୁରୁ: କଂଗ୍ରେସର ଏକ ତାରକା ହୋଟେଲରେ ବିଧାୟକ ଦଳ ବୈଠକ ଜାରି ରହିଛି । ଏକାଧିକ କେନ୍ଦ୍ରୀୟ ନେତୃତ୍ବଙ୍କ ସମେତ ସମସ୍ତ ନିର୍ବାଚିତ କଂଗ୍ରେସ ବିଧାୟକ ଏଥିରେ ଉପସ୍ଥିତ ଅଛନ୍ତି । ମୁଖ୍ୟମନ୍ତ୍ରୀ ପଦ ପାଇଁ ଦୁଇ ପ୍ରମୁଖ ଦାବିଦାର ଡି.କେ ଶିବକୁମାର ଓ ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ସମେତ ସମସ୍ତ 135 ବିଧାୟକ ଉପସ୍ଥିତ ରହିଛନ୍ତି । ସେହିପରି ଦଳର ସାଧାରଣ ସମ୍ପାଦକ କେ.ସି ବେଣୁଗୋପଲ, ଜୟରାମ ରମେଶ, ବି.କେ ହରିପ୍ରସାଦ, ରଣଦ୍ବୀପ ସୁର୍ଯ୍ୟେଓ୍ବାଲା ପ୍ରମୁଖ ଉପସ୍ଥିତ ରହିଛନ୍ତି । ବୈଠକ ଆରମ୍ଭ ହେବା ପୂର୍ବରୁ ଦଳର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ପର୍ଯ୍ୟବେକ୍ଷକ ନିଯୁକ୍ତ କରିଥିଲେ । ଦଳର ବରିଷ୍ଠ ନେତା ତଥା ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ସୁଶୀଲ କୁମାର ସିନ୍ଦେ, ବରିଷ୍ଠ ନେତା ତଥା ଦଳର ଜାତୀୟ ସାଧାରଣ ସମ୍ପାଦକ ଜିତେନ୍ଦ୍ର ସିଂ ଓ ଦୀପକ ବାବରିଆ ଦଳର କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ମଧ୍ୟ ବୈଠକରେ ଉପସ୍ଥିତ ରହିଛନ୍ତି । ଦେଖନ୍ତୁ ଭିଡିଓ...