ଫୁଲବାଣୀରେ ବିଜେଡ଼ି ପାଳିଲା ବିଜୟ ଉତ୍ସବ - ପଦ୍ମପୁର ବିଧାନସଭା ଉପନିର୍ବାଚନରେ ବିଜୟ

ଫୁଲବାଣୀ : ପଦ୍ମପୁର ବିଧାନସଭା ଉପନିର୍ବାଚନରେ ବିଜୟ ପାଇଁ ଆଜି ଖୁସି ମନାଇଛି ଜିଲ୍ଲା ବିଜୁ ଜନତା ଦଳ । ଦଳ ପକ୍ଷରୁ ଫୁଲବାଣୀ ଠାରେ ନେତା ଓ କର୍ମୀମାନେ ପାଳିଛନ୍ତି ବିଜୟ ଉତ୍ସବ। ଏ ଉପଲକ୍ଷେ ସ୍ଥାନୀୟ ବିଜୁ ପଟ୍ଟନାୟକ ଛକଠାରେ ଶତାଧିକ କର୍ମୀ ଓ ନେତା ଏକତ୍ରିତ ହୋଇ ବିଜୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ଦଳ ସୁପ୍ରିମୋ ନବୀନ ପଟ୍ଟନାୟକଙ୍କ ଜୟଗାନ କରିଥିଲେ। କାର୍ଯ୍ୟକ୍ରମରେ ଫୁଲବାଣୀ ବିଧାୟକ ଅଙ୍ଗଦ କହଁରଙ୍କ ସମେତ ଯୁବ ବିଜେଡି ସଭାପତି ବିଷ୍ନୁଚରଣ ମଲିକ, ନଗର ସଭାପତି ସୁଧିର କହଁର, ସଂଖ୍ୟାଲଘୁ ନେତା ମହମ୍ମଦ ୟାସିନ, ମହିଳା ବିଜେଡି ସଭାପତି ପୁନମ କହଁର, କାଉନସିଲର ରାଜେନ୍ଦ୍ର ପାଢୀ, କମଳ ବେହେରା ପ୍ରମୁଖ ଉପସ୍ଥିତ ଥିଲେ। ଇଟିଭି ଭାରତ, ଫୁଲବାଣୀ