VIRAL VIDEO: ଧକ୍କା ଦେବା ପରେ ଚଳନ୍ତା ବାଇକକୁ ଘୋଷାଡ଼ି ନେଲା ବସ୍‌, ଯୁବକ ମୃତ

ଲକ୍ଷ୍ନୌ: ଉତ୍ତରପ୍ରଦେଶ ଏଟା ଜିଲ୍ଲାରୁ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଏକ ବସ ଆଗରେ ବାଇକଟିଏ ଫସିଥିବା ଦେଖିବାକୁ ମିଳିଛି । ବସଟି ଚାଲୁଥିବା ବେଳେ ବସ ଆଗରେ ଫସିଥିବା ବାଇକ ମଧ୍ୟ ଦ୍ରୁତ ଗତିରେ ଚାଲୁଛି । ମିଳିଥିବା ସୂଚନା ଅନୁସାରେ ଏହି ବସଟି ବାଇକକୁ ଧକ୍କା ଦେବା ପରେ ଆଉ ଅଟକି ନଥିଲା । ଡ୍ରାଇଭର ଜଣକ ଭୟରେ ପ୍ରାୟ ୯୦ ସ୍ପିଡରେ ବସକୁ ଚଳାଇଥିଲେ । ଫଳରେ ବାଇକଟି ଷ୍ଟାର୍ଟ ହୋଇ ରହିଥିବା ବେଳେ ବସ ସହିତ ଚାଲୁଥିବା ଦେଖିବାକୁ ମିଳିଛି । ଏହି ଦୁର୍ଘଟଣାରେ ବାଇକ ଆରୋହୀଙ୍କର ମଧ୍ୟ ମୃତ୍ୟୁ ଘଟିଥିବା ଜଣାପଡ଼ିଛି । ପୋଲିସ ଏହି ବସର ପିଛା କରିବା ପରେ ବସକୁ ଅଟକାଇଥିଲା ଏବଂ ବସ ଡ୍ରାଇଭରଙ୍କୁ ଗିରଫ କରିଛି । ରାତି ପ୍ରାୟ ୨ଟାରେ ଏଟାରୁ ଦିଲ୍ଲୀ ଯାଉଥିବା ଏହି ବସଟି ଗୋଶାଲା ନିକଟରେ ବାଇକ ଆରୋହୀ ବିକାଶ (୨୫)ଙ୍କୁ ଧକ୍କା ଦେଇଥିବା ଜଣାପଡ଼ିଛି ।