ଭାରତ-ପାକିସ୍ତାନ ମ୍ଯାଚ ପରେ ୨ ଛାତ୍ରଗୋଷ୍ଠୀ ମୁହାଁମୁହିଁ, ଭିଡିଓ ଭାଇରାଲ
ଚଣ୍ଡିଗଡ: ଟି-ଟ୍ବେଣ୍ଟି ବିଶ୍ବକପରେ ରବିବାର ଅନୁଷ୍ଠିତ ମ୍ୟାଚରେ ଭାରତ ପାକିସ୍ତାନ ଠୁ ପରାସ୍ତ ହୋଇଛି । ମାତ୍ର ପଞ୍ଜାବ ସାଙ୍ଗୁରର ଏକ ବେସରକାରୀ କଲେଜରେ ଦୁଇ ଛାତ୍ରଗୋଷ୍ଠୀ ମୁହାଁମୁହିଁ ହୋଇଥିବା ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭାରତ ପାକିସ୍ତାନ ମ୍ୟାଚକୁ ନେଇ କଲେଜ ହଷ୍ଟେଲରେ ରହୁଥିବା କିଛି କାଶ୍ମୀର ଛାତ୍ରଙ୍କ ଅନ୍ୟ ଛାତ୍ରଙ୍କ ସହ ଗଣ୍ଡଗୋଳ ହୋଇଥିଲା । ୟୁପି ଓ ବିହାରର ଛାତ୍ରମାନେ ପ୍ରଥମେ କାଶ୍ମୀର ଛାତ୍ରଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଥିଲା । କିନ୍ତୁ ଆପୋଷ ବୁଝାମଣାରେ ଗଣ୍ଡଗୋଳ ସମାଧାନ ହୋଇଯାଇଥିବା ଜଣାପଡିଛି । ତେବେ ଏହି ମାମଲା ନେଇ ପୋଲିସ ନିକଟରେ କୌଣସି ଅଭିଯୋଗ ହୋଇନାହିଁ । ବ୍ୟୁରୋ ରିପୋର୍ଟ, ଇଟିଭି ଭାରତ