ବାଦୁଡି ସୁରକ୍ଷାରେ ବ୍ରତୀ କବାଟବନ୍ଧ ଗ୍ରାମବାସୀ

ଯାଜପୁର: ଫନି ବାତ୍ୟାରେ ମଣିଷର ଯାହା କ୍ଷତି ହୋଇଛି ତାହା ଅକଳନୀୟ । ଏହାକୁ ଛାଡି ପଶୁପକ୍ଷୀମାନଙ୍କର ଅନେକ କ୍ଷତି ହୋଇଛି । କେତେକ ପଶୁପକ୍ଷୀଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ଏପରି ଘଡିସନ୍ଧି ମୁହୂର୍ତ୍ତରେ ଗ୍ରୀଷ୍ମର ପ୍ରଭାବ ମଧ୍ୟ ପଶୁପକ୍ଷୀମାନଙ୍କୁ ଅଧିକ ବିପଦରେ ପକାଇଛି । ଏମାନଙ୍କ ସୁରକ୍ଷାକୁ ନେଇ ମଧ୍ୟ ଅନେକ ପ୍ରଶ୍ନ ଉଠିଛି । କିନ୍ତୁ ସୁରକ୍ଷା ଦେବାରେ ଅଧିକାଂଶ ଅକ୍ଷମ। କିଛି ଲୋକ ଭିନ୍ନ ମନୋଭାବ ନେଇ ପଶୁପକ୍ଷୀମାନଙ୍କ ସୁରକ୍ଷା ମଧ୍ୟ କରୁଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ଯାଜପୁର ଧର୍ମଶାଳା ବ୍ଲକର କବାଟବନ୍ଧ ଗାଁରେ । ଗାଁର 4ଟି ବଡ ବଡ ଗଛରେ ବସବାସ କରୁଛନ୍ତି ହଜାର ହଜାର ବାଦୁଡି ।