ବିଜୟା ଦଶମୀରେ ମା କଟକ ଚଣ୍ଡୀଙ୍କ ମହିଷାମର୍ଦ୍ଧିନୀ ବେଶ - ବିଜୟା ଦଶମୀ
କଟକ: ଆଜି ମା’ କଟକ ଚଣ୍ଡୀଙ୍କ ମହିଷାମର୍ଦ୍ଦିନୀ ବେଶ। ମା’ଙ୍କ ଦର୍ଶନ ପାଇଁ ଭାବବିହ୍ବଳ ହୋଇପଡିଛନ୍ତି ଭକ୍ତ। ବିଶେଷକରି ଆଜି ବିଜୟା ଦଶମୀ ହୋଇଥିବାରୁ ଶକ୍ତି ପୀଠରେ ଅଧିକ ସଂଖ୍ୟକ ଶ୍ରଦ୍ଧାଳୁ ମା’ ଙ୍କୁ ଦର୍ଶନ କରୁଛନ୍ତି । କୋଭିଡ଼ ନିୟମ ପାଳନ କରି ମା’ଙ୍କୁ ଦର୍ଶନ କରୁଛନ୍ତି ଭକ୍ତ। ଗତବର୍ଷ କୋରୋନା ପାଇଁ ମା’ଙ୍କ ଦର୍ଶନରୁ ବଞ୍ଚିତ ହୋଇଥିଲେ ଶ୍ରଦ୍ଧାଳୁ। ତେବେ ଚଳିତବର୍ଷ ଦର୍ଶନ ପାଇଁ ସୁଯୋଗ ମିଳୁଥିବାରୁ ଶ୍ରଦ୍ଧାଳୁ ମାନେ ବେଶ ଖୁସି ପ୍ରକଟ କରିଛନ୍ତି। ମନ୍ଦିର ପରିସରରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି। କଟକରୁ ନାରାୟଣ ସାହୁ,ଇଟିଭି ଭାରତ