ଇଚ୍ଛା ଶକ୍ତି ଦେଖାଇଲା ନୂଆବାଟ: ପୁଅ ସହ ଦଶମ ପାସ କଲେ ଅଙ୍ଗନବାଡି କର୍ମୀ - malkangiri

ମାଲକାନଗିରି: ପଛୁଆ ଓ ଆଦିବାସୀ ବହୁଳ ଅଞ୍ଚଳରେ ଶିକ୍ଷାର ସ୍ତର ସଦାସର୍ବଦା ନିମ୍ନଗାମୀ ଥିବାବେଳେ ଏଠାକାର ଆଦିବାସୀ ଯୁବତୀଙ୍କ ଶିକ୍ଷା ବିଷୟରେ ନ କହିବା ଭଲ । ଏଠାରେ ପ୍ରାୟ ଆଦିବାସୀ ଯୁବତୀ ଅଳ୍ପ ଶିକ୍ଷିତ ହୋଇଥିବାବେଳେ ବିବାହ ବନ୍ଧନରେ ବାନ୍ଧି ହୋଇଯିବା ପରେ ଶିକ୍ଷା ସତେ ଯେମିତି ଏମାନଙ୍କ ପାଇଁ ଦିବା ସ୍ଵପ୍ନ ପାଲଟି ଯାଇଥାଏ । ତେବେ ଏହିଭଳି ଏକ ସ୍ଥିତିରେ ବର୍ତ୍ତମାନ ଜଣେ ଆଦିବାସୀ ମହିଳା ବିବାହର ଦୀର୍ଘ ବର୍ଷ ପରେ ଅଧାରେ ଛାଡିଥିବା ପାଠ ପଢାକୁ ଆରମ୍ଭ କରି ନିଜ ପୁଅ ସହ ମିଶି ଦଶମ ଶ୍ରେଣୀ ପରୀକ୍ଷା ଦେଇ ଉତ୍ତୀର୍ଣ୍ଣ ହେବା ଘଟଣା ସମସ୍ତଙ୍କୁ ଚକିତ କରିଦେଇଛି ।