କେନ୍ଦୁଝରଗଡ ପୌରପାଳିକା ହାତେଇଲା BJP, ଫୋକସରେ ହୋଲ୍ଡିଂ ଟ୍ୟାକ୍ସ ଫ୍ରି

କେନ୍ଦୁଝର : ପୌର ନିର୍ବାଚନ ଫଳାଫଳ ଆସିଛି । ପୌର ନିର୍ବାଚନରେ କେନ୍ଦୁଝର ଗଡ଼ ପୌରପାଳିକା ହାତେଇବାରେ ବିଜେପି ସଫଳ ହୋଇଛି । ବିଜେପି ପ୍ରାର୍ଥୀ ନିକୁ ସାହୁ ବିଜେଡି ପ୍ରାର୍ଥୀନୀ ଅର୍ଚ୍ଚନା ରାଉତଙ୍କୁ ୪୦୨୧ ଭୋଟରେ ହରାଇଛନ୍ତି । ସେହିପରି ବିଜେପିର ୮ଟି କାଉନସିଲର ଜିତିଥିବା ବେଳେ ବିଜେଡି ୧୩ ଟି କାଉନସିଲର ହାତେଇଛି । ପ୍ରଥମ ଥର ପାଇଁ ବିଜେପି କେନ୍ଦୁଝରଗଡ଼ ପୌରପାଳିକା ହାତେଇବାରେ ସଫଳ ହୋଇଛି । ବିଜୟୀ ହେବାପରେ ନିକୁ ସାହୁ ପ୍ରଥମେ ହୋଲଡିଂ ଟ୍ୟାକ୍ସ ଉଚ୍ଛେଦ କରିବେ ବୋଲି ପ୍ରକାଶ କରିଛନ୍ତି । ସେହିପରି ବିଜୁଳି, ରାସ୍ତା ସମସ୍ୟା ଦୂର କରିବେ ବୋଲି କହିଛନ୍ତି । ପ୍ରକାଶ ଯେ, କେନ୍ଦୁଝର ଜିଲ୍ଲାରେ ପାଞ୍ଚୋଟିରୁ ବିଜେଡି ୪ ଓ ବିଜେପି ୧ଟି ଆସନ ହାତେଇବାରେ ସଫଳ ହୋଇଛି । କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ