ହାଇଦ୍ରାବାଦ: ବର୍ତ୍ତମାନ ସମୟରେ ଅଧିକାଂଶ ଲୋକେ ସ୍ଲିପ୍ ଡିସ୍କର ସମ୍ମୁଖୀନ ହେଉଛନ୍ତି । ପ୍ରାୟ 80 ପ୍ରତିଶତ ଯୁବପିଢି ଏହି ରୋଗ ସହ ସଂଘର୍ଷ କରୁଛନ୍ତି । ସ୍ଲିପ୍ ଡିସ୍କ ଅଣ୍ଟା ଏବଂ ବେକରେ ପ୍ରବଳ ଯନ୍ତ୍ରଣା ଦେଇଥାଏ । ସମାନ ଅବସ୍ଥାରେ ଗୋଟିଏ ସ୍ଥାନରେ ବହୁତ ସମୟ ଧରି କାର୍ଯ୍ୟ କରିବା ଫଳରେ ଏହି ସମସ୍ୟା ଦେଖାଯାଉଛି । ଦିନକୁ ଦିନ ବହୁ ସଂଖ୍ୟକ ଯୁବପିଢି ଏହି ରୋଗର ଚିକିତ୍ସା ପାଇଁ ଡାକ୍ତରଙ୍କ ନିକଟରେ ପହଞ୍ଚୁଛନ୍ତି । ତେବେ ଯୋଗ ମାଧ୍ୟମରେ ଏହି ସମସ୍ୟାର କିପରି ସମାଧାନ କରିବେ, ଜାଣନ୍ତୁ
ଶବାସନ:ଯୋଗ ବିଜ୍ଞାନର ସବୁଠାରୁ କଷ୍ଟସାଧ୍ୟ ଆସନ ହେଉଛି ଶବାସନ । ଏହି ଆସନା ସହିତ ଶରୀରର ବାହ୍ୟ ଏବଂ ଆଭ୍ୟନ୍ତରୀଣ ଶକ୍ତି ସୁସ୍ଥ ହୋଇଯାଏ । ଶରୀରର ଏହି ପ୍ରାକୃତିକ ଶକ୍ତି ଅନେକ ରୋଗ ଏବଂ ସମସ୍ୟାର ଉପଶମ ପାଇଁ କାର୍ଯ୍ୟ କରିଥାଏ ।
ଭୁଜଙ୍ଗାସନ:ଯଦି ଆପଣ ସ୍ଲିପ୍ ଡିସ୍କ ସମସ୍ୟାରୁ ମୁକ୍ତି ପାଇବାକୁ ଚାହୁଁଛନ୍ତି, ତେବେ ପ୍ରତିଦିନ ଭୁଜଙ୍ଗାସନ ଅଭ୍ୟାସ କରିପାରିବେ । ଏହି ଆସନ ମେରୁଦଣ୍ଡର ଉପର ହାଡ ଉପରେ ସକରାତ୍ମକ ଚାପ ପକାଇଥାଏ ଏବଂ ସେମାନଙ୍କୁ ଆରାମ ଦେଇଥାଏ । ଏହା ଶରୀରକୁ ନମନୀୟ କରିଥାଏ ଏବଂ ପିଠି ଯନ୍ତ୍ରଣା ମଧ୍ୟ ଦୂର କରିଥାଏ ।
ଏହା ମଧ୍ୟ ପଢନ୍ତୁ:-ଅନୁସନ୍ଧାନ: କୋଭିଡ୍ ଟିକା ନେଇଥିବା ରକ୍ତ କର୍କଟ ରୋଗୀଙ୍କର ଦୃଢ ହୋଇଛି ଇମ୍ୟୁନିଟି
ଶଲଭାସନ:ସ୍ଲିପ୍ ଡିସ୍କରେ ଶଲଭାସନ ବହୁତ ପ୍ରଭାବଶାଳୀ । ଏହାର ପ୍ରଭାବ କିଛି ଦିନ ମଧ୍ୟରେ ଦେଖାଯିବା ଆରମ୍ଭ କରେ ଏବଂ ପିଠି ଯନ୍ତ୍ରଣାରୁ ମୁକ୍ତି ମିଳିଥାଏ । ଶଲଭାସନ କେବଳ ସ୍ଲିପ୍ ଡିସ୍କରୁ ନୁହେଁ ବରଂ ଅନ୍ୟାନ୍ୟ ସମସ୍ୟାରୁ ମଧ୍ୟ ଆରାମ ଦେଇଥାଏ ।
ଉଷ୍ଟ୍ରାସନ:ଦୈନିକ ଉଷ୍ଟ୍ରାସନ କରିବା ଦ୍ୱାରା ମେରୁଦଣ୍ଡ ସମ୍ବନ୍ଧୀୟ ସମସ୍ୟା ଦୂର ହୋଇପାରିବ । ଏହି ଆସନରେ ଶରୀର ଏକ ଓଟର ଅବସ୍ଥାରେ ରହିଥାଏ । ଏଥିରେ ଶରୀର ପଛକୁ ଝୁଲି ରହିଥାଏ । ଯେଉଁ କାରଣରୁ ମେରୁଦଣ୍ଡ ଉପରେ ସକରାତ୍ମକ ଚାପ ସୃଷ୍ଟି ହୁଏ ଏବଂ ଏହା ସହ ଜଡିତ ସମସ୍ୟାଗୁଡିକ ଦୂର ହୁଏ ।
Disclaimer:ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ । ଯୋଗ ପ୍ରଣାଳୀ ଅବଲମ୍ବନ କରିବା ପାଇଁ ମଧ୍ୟ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ । କାରଣ ଅନେକ ସ୍ବାସ୍ଥ୍ୟ ସମସ୍ୟା ଥିଲେ ଯୋଗ କରିବାକୁ ମଧ୍ୟ ବାରଣ କରାଯାଏ । ତେଣୁ ଡାକ୍ତରଙ୍କ ପରାମର୍ଶ କଲେ ସେମାନେ ସ୍ବାସ୍ଥ୍ୟ ପରୀକ୍ଷା ପରେ ନିଶ୍ଚିତ ରୂପେ ଉପକାରୀ ପରାମର୍ଶ ଦେବେ ।
