ଯେଉଁ ମହିଳାମାନଙ୍କର ଏକାଧିକ ପାର୍ଟନର ଥାଆନ୍ତି, ତାହା ହେଲେ ସେମାନଙ୍କ ଯୌନ ଜୀବନ ଉନ୍ନତ ରହିଥାଏ । ସେହି ମହିଳାମାନେ ଜୀବନରେ ଯୌନ ରୋଗରେ ପୀଡିତ ହେବା ସମ୍ଭାବନା କମ ବୋଲି ଏକ ନୂଆ ଅଧ୍ୟୟନରେ ଗବେଷକମାନେ ଦାବି କରିଛନ୍ତି । ଏହାର ବୀପରିତ,ଯେଉଁ ମହିଳାମାନେ ଯୌନ କାର୍ଯ୍ୟକଳାପରେ ବ୍ୟଗ୍ରତାପୂର୍ଣ୍ଣ ବ୍ୟବହାର କରନ୍ତି ଓ ଯେଉଁମାନଙ୍କର ତୀବ୍ର ମେନୋପଜ୍ ଲକ୍ଷଣ ଥାଏ,ସେମାନଙ୍କ ଉପରେ ଯୌନ ରୋଗ ବିପଦ ଅଧିକ ଥାଏ ବୋଲି କୁହାଯାଇଛି ।
ଗବେଷକମାନଙ୍କ ଅନୁସାରେ ଯୌନ ରୋଗ ବା ବିକୃତି ସାଧାରଣତଃ ମେନୋପଜ୍ ଟ୍ରାଂଜିସନ ସହ ଆସିଥାଏ । କିନ୍ତୁ ସବୁ ମହିଳାଙ୍କ ଏଭଳି ଅବସ୍ଥା ହୋଇ ନ ଥାଏ । ମେନୋପଜ୍ : ଦି ଜର୍ନାଲ ଅଫ୍ ଦି ନର୍ଥ ଆମେରିକାନ ମେନୋପଜ ସୋସାଇଟି (ଏନଏଏମଏସ )ରେ ପ୍ରକାଶିତ ଗବେଷଣାତ୍ମକ ରିପୋର୍ଟରେ ମହିଳାଙ୍କ ଯୌନ ରୋଗର ବିଭିନ୍ନ କାରଣ ସଂପର୍କରେ ଉଲ୍ଲେଖ କରାଯାଇଛି । ଏହାର ଚିକିତ୍ସା ପାଇଁ ହରମୋନ ଥେରାପିର ପ୍ରଭାବ କେତେ ଓ ତାହା ସ୍ଥିର କରିବା ପାଇଁ ରିପୋର୍ଟରେ କୁହାଯାଇଛି । ଏସବୁର ଫଳାଫଳ ପୂର୍ବରୁ କରାଯାଇଥିବା ଅଧ୍ୟୟନ ସହ ମେଳ ଖାଉଛି ।
୪ଟି ମୁଖ୍ୟ କାରଣ ଉପରେ ଗୁରୁତ୍ବ ଦିଆଯାଇଛି । ସମ୍ଭୋଗକୁ ସର୍ବାଧିକ ଗୁରୁତ୍ବ, ଯୌନ ସଂପର୍କ ପ୍ରତି ସକାରାତ୍ମକ ଆଭିମୁଖ୍ୟ, ଗୋଟିଏ ପାର୍ଟନର ସହ ସନ୍ତୋଷ ଓ ମେନୋପଜ ସହ ଜଡିତ କମ ସଂଖ୍ୟକ ଜେନିଟୋରିନାର ଲକ୍ଷଣ ମହିଳାଙ୍କୁ ଯୌନ ରୋଗ ବା ସେକ୍ସୁଆଲ ଡିସଫଙ୍କସନରୁ ମୁକ୍ତି ଦେଇଥାଏ । ନର୍ଥ ଆମେରିକାନ ମେନୋପଜ୍ ସୋସାଇଟିର ମେଡିକାଲ୍ ଡିରେକ୍ଟର ଗବେଷକ ଷ୍ଟିଫାନି ଫୋଉବିନ ଏହି ଦାବି କରନ୍ତି । ଅଧ୍ୟୟନ ରିପୋର୍ଟ ପାଇଁ ଗବେଷକମାନେ ୪୫ରୁ ୫୫ ବର୍ଷ ବୟସ୍କର ୨ ଶହ ମହିଳାଙ୍କୁ ସଂପୃକ୍ତ କରିଥିଲେ । ହରମୋନ ଥେରାପି ଦ୍ବାରା ଯୌନ ରୋଗ ବିପଦ ହ୍ରାସ ହୋଇ ନଥାଏ କି ଯୌନ ଆଚରଣରେ ପ୍ରମୁଖ ଭୂମିକା ଗ୍ରହଣ କରି ନ ଥାଏ । ତେବେ, ହରମୋନ ଥେରାପି ବ୍ୟବହାର କରୁଥିବା ମହିଳାମାନଙ୍କ ‘ବଡି ଏଷ୍ଟିମ’ ଯୌନ କାର୍ଯ୍ୟକଳାପ ବେଳେ ଅଧିକ ରହେ ।
ସକାରାତ୍ମକ ଯୌନ ଅଭିଜ୍ଞତା ମହିଳାଙ୍କୁ ସେମାନଙ୍କର ଯୌନଗତ ଆଚରଣ ବଜାୟ ରଖିବାରେ ସହାୟକ ହୋଇଥାଏ । ଏହା ବେଶ ଗୁରୁତ୍ବପୂର୍ଣ୍ଣ ଦିଗ । ଯୌନ କାର୍ଯ୍ୟକଳାପ ପ୍ରତି ଭଲ ଆଭିମୁଖ୍ୟ, ବଡି ଇମେଜ, ଅନ୍ତରଂଗ ସଂପର୍କ ବେଶ ମହତ୍ତ୍ବ ରଖେ ବୋଲି ଅଧ୍ୟୟନରେ କୁହାଯାଇଛି ।
