Health Tips: ଆଣ୍ଠୁ ଗଣ୍ଠି ସମସ୍ୟା ଦେଖାଦେଉଛି କି, ଏହି ସବୁ ଅଭ୍ୟାସ ଦୁର୍ବଳ କରେ ହାଡ

ହାଡ ଦୁର୍ବଳ ହୋଇଯିବା, କମ୍ ବୟସରୁ ଅଣ୍ଟା, ଆଣ୍ଠୁ ବିନ୍ଧିବା ଭଳି ସମସ୍ୟା ଅଧିକାଂଶ ବ୍ୟକ୍ତିଙ୍କ କ୍ଷେତ୍ରରେ ଦେଖାଯାଉଛି । ତେବେ ଏପରି ଆମର ଭୁଲ୍ ଖାଦ୍ୟ ଅଭ୍ୟାସ ଦ୍ବାରା ଘଟେ ବୋଲି ଜାଣିଛନ୍ତି କି(what is the cause of weak bones) ? ଅନେକ ଖାଦ୍ୟ ଅଛି, ଯାହାକୁ ସେବନ କରିବା ଦ୍ବାରା ଏପରି ସମସ୍ୟା ଘଟିଥାଏ । ତେବେ କଣ ଏହିସବୁ ଖାଦ୍ୟ ଜାଣିବା ପାଇଁ ପଢନ୍ତୁ ଏହି ରିପୋର୍ଟ(know about weak bones causes)

ହାଇଦ୍ରାବାଦ: ହାଡ ଶରୀରକୁ ମଜବୁତ କରିଥାଏ । ଯଦି ଏହି ହାଡ ଦୁର୍ବଳ ହୋଇଯାଏ, ତେବେ ଚାଲିବା, ବୁଲିବା ଠାରୁ ଆରମ୍ଭ କରି ଅନେକ ଜରୁରୀ କାର୍ଯ୍ୟ କରିବା ଜଣେ ବ୍ୟକ୍ତି ପାଇଁ କଷ୍ଟକର ହୋଇଯାଏ । ଏହା କେବଳ ଭୁଲ ଅଭ୍ୟାସ କିମ୍ବା ଭୁଲ ଖାଦ୍ୟ ଅଭ୍ୟାସ କାରଣରୁ ହୋଇଥାଏ, ଯାହାକୁ ଡାକ୍ତରୀ ଭାଷାରେ ଅଷ୍ଟିଓପୋରୋସିସ୍‌(Osteoporosis) ରୋଗର କୁହାଯାଏ । ତେବେ ଏପରି ଘଟେ କାହିଁକି, ଖାଦ୍ୟ ଗ୍ରହଣରେ କେଉଁ ଭୁଲ୍ ପାଇଁ ଏହି ରୋଗ ହୁଏ, ତାହା ସମସ୍ତଙ୍କ ମନରେ ଉଙ୍କି ମାରୁଥିବ ନିଶ୍ଚୟ । ନିମ୍ନରେ ଏ ବାବଦରେ ସମ୍ପୂର୍ଣ୍ଣ ବର୍ଣ୍ଣନା କରାଯାଇଛି ।

ପ୍ରଥମେ ଜାଣି ରଖିବା ଉଚିତ୍ ଯେ, ହାଡର କ୍ଷତି ହେଉଛି ଶରୀରର ସପୋର୍ଟ ସିଷ୍ଟମର କ୍ଷତି । ଏଭଳି ପରିସ୍ଥିତିରେ ହାଡକୁ ନଷ୍ଟ ହେବାକୁ ନଦେବା ଆମର ଦାୟିତ୍ବ । ଏହା ମଧ୍ୟ ଜାଣିବା ଉଚିତ ଯେ, କେଉଁ ଅଭ୍ୟାସ ହେତୁ ଆମର ହାଡ ଦୁର୍ବଳ ହେଉଛି । ତେବେ କେଉଁ ଖାଦ୍ୟ ଖାଇବା ଦ୍ବାରା ହାଡ ଦୁର୍ବଳ ହୋଇଥାଏ ଜାଣନ୍ତୁ(know about weak bones causes)...

ଅସ୍ଥି-କ୍ଷତିକାରକ ପଦାର୍ଥ

1. ବର୍ତ୍ତମାନ ସମୟରେ ଲୋକମାନେ କାର୍ଯ୍ୟାଳୟରେ 6 ରୁ 9 ଘଣ୍ଟା ପର୍ଯ୍ୟନ୍ତ କାମ କରିଥାନ୍ତି । ଫଳରେ ଶାରୀରିକ ପରିଶ୍ରମ କରିବାକୁ ଆଦୌ ସକ୍ଷମ ହୁଅନ୍ତି ନାହିଁ । ଯେଉଁଥିପାଇଁ ସେମାନଙ୍କର ହାଡ଼ ଯଥେଷ୍ଟ ସୂର୍ଯ୍ୟକିରଣ ଅଭାବର ସମ୍ମୁଖୀନ ହୁଏ । ସାଧାରଣତଃ ଭିଟାମିନ୍ ଡି ସୂର୍ଯ୍ୟ କିରଣରୁ ମିଳିଥାଏ । ଅନ୍ୟପକ୍ଷରେ, ଯଦି ଶରୀରରେ ଭିଟାମିନ୍ D ର ଅଭାବ ଥାଏ, ତେବେ ଏହି କାରଣରୁ ହାଡ ଗୁଡିକ ସଠିକ୍ ଭାବରେ କ୍ୟାଲସିୟମ୍ ପାଏ ନାହିଁ । ଫଳରେ ହାଡ ଦୁର୍ବଳ ହୋଇଯାଏ ।
2. ସେହିପରି ବର୍ତ୍ତମାନ ସମୟରେ ଅଧିକାଂଶ ବ୍ୟକ୍ତି ଗୋଟିଏ ସ୍ଥାନରେ ବସି କାର୍ଯ୍ୟ କରିଥାନ୍ତି । ଗୋଟିଏ ସ୍ଥାନରେ ବସିବା ଏବଂ ଚଳନ ଅଭାବ ହେତୁ ହାଡ ମଧ୍ୟ ନଷ୍ଟ ହୋଇଯାଏ ।
3. ଅଧିକାଂଶ ଲୋକ ଅତ୍ୟଧିକ ପରିମାଣର ଲୁଣ ଖାଇଥା’ନ୍ତି । ଅଧିକ ଲୁଣ ଖାଇବା ଦ୍ବାରା ଏଥିରେ ଥିବା ସୋଡିୟମ ପରିମାଣ ଯଦି ଶରୀରରେ ଅଧିକ ହୋଇଯାଏ, ତେବେ ହାଡ ଦୁର୍ବଳ ହେବାକୁ ଲାଗେ ।
4. ମୃଦୁ ପାନୀୟ ଦ୍ୱାରା ହାଡ ମଧ୍ୟ ନଷ୍ଟ ହୋଇପାରେ । ଏଥିରେ ଫସଫୋରିକ୍ ​​ଏସିଡ୍ ମିଳିଥାଏ, ଯେଉଁ କାରଣରୁ ହାଡରୁ କ୍ୟାଲସିୟମ୍ ପରିମାଣ ହ୍ରାସ ପାଇଥାଏ । ତେବେ କ୍ୟାଲସିୟମ ପରିମାଣ ହ୍ରାସ ଘଟିଲେ ଜଟିଳ ହାଡ ସମସ୍ୟା ସୃଷ୍ଟି ହୋଇଥାଏ